a b c d e f g h i j k l m n o p q r s t u v w x y z 0 1 2 3 4 5 6 7 8 9 #

karim elgang - syassat el-istihmar / سياسة الإستحمار كلمات الأغنية

رانا في زمان .. تقرأ حياتك كاملة جاري
و في الأخير تروح تخدم عند واحد ماشي قاري
باه تدي خدمة لازمتلك الخبرة تاع عوام
و باه ادير الخبرة لازمتك تكون خدام
في الليسي الطفلة كي تلبس الميني أمر عادي
و الطفل كي يلبس short
interdit
محال يعدي
عدي عبي رأسك بيع الخمر عادي سربي
بصح الزطلة صحيبي ؟
interdit
خبي خبي
في réveillon
ليوالة خابط
mort
يمشي و يطيح
في رمضان تلقاه الأول في التراويح
صحيح عدنا هوش مع مخاخنا ما نتفاهموش
عدنا كامل حابين نموتوا ساجدين ؟
mais ما نصلوش
و كي الكاتب رشيد بوجدرة , قالها ب fierté
إنتهاك فرض الصيام خطوة في la liberté
صايي , ما بقات حتى هدرة , منكم y’en a marre
جهلتوا الشعب بسياسة الإستحمــــــار
–
خافوا ربي البلاد ماديها الواد
نشرتوا الفساد و العباد الكل عمات
صح راح الإستعمار, بصح y’en a marre
y’en a marre من سياسة الإستحمـــــار
–

كي يموت مسلم شهيد , حرت و الله ما فهمت ؟
في بلاصة الفاتحة , نديروا عليه دقيقة صمت ..
même نعلنوا الحداد و في بلاصة القرآن
نديروا سيمفونيات mozart و beethoven
إستحمار, مسجد مقابله bar
والله حيرة ؟
الشكارة تاع الحليب عادت أغلى من البيرة
الكرة قبل العلم , حبيت وإلا ما حبيتش ..
أعلى راتب في البلاد تاع حاليلوزيتش
أكثر الكتب مبيعات في الأمة تاعنا
تاع الطبخ و تفسير الأحلام , أفهم المعنى ؟
يعني راقدة و تمونجي, أمة تاع ماكلة و رقاد
علاها بشوية دولارات… بعنا بغداد
صدق وإلا كذب , كذب وإلا صدق
عدنا نكذبوا على رواحــــنا بكل صدق
الوسواس في وسط الناس, البصيرة راهي تعمات
الثقة إنتحرت , النصيحة رحلت , و الضمير مات
–
خافوا ربي البلاد ماديها الواد
نشرتوا الفساد و العباد الكل عمات
صح راح الإستعمار, بصح y’en a marre
y’en a marre من سياسة الإستحمـــــار
–

إستحمار عيش تشوف , بعد و إلا قرب
عدنا نسبوا رواحنا , و نفتخروا بالغرب ؟
جيــب كلش من الغرب خويا و ما تبقاش حاير
la théorie du genre
عن قريب في الجزائر
نورية حفصي و بنت العربي التبسي الشيخ
مثال المسلمة لي على الحجاب تضحك و تشيخ
vive حرية التعبير
vive حرية الاعتقاد
في بلاصة الأصنام راهي جاية حرية الإلحاد
صحافي يحكي على الديمقراطية في الجورنال ..
و الجورنال .. تحت أوامر جنرال ؟
كي شغل ديكتاتورية تمثل في حرية التعبير
كي شغل ملياردير يهدر باسم الفقاقير
و كي تقول فلة ما استهزاتش بالصحابي بلال ؟
كي شغل قلت هواري منار.. لي يسمعوه رجال
حال impo
ما بقاتش هدرة , منكم y’en a marre
جهلتوا الشعب بسياسة الإستحمــــــار

- karim elgang

كلمات أغنية عشوائية

كلمات الأغاني الشهيرة