ibrahim x - يا خال | ya khal كلمات الأغنية
يا خال يا خال .. تعبان يا خال
م الدنيا يا خال .. وناسها يا خال
صحابنا يا خال .. في أجازة يا خال
كلهم شمال .. مفيش حد شيال
اللي استجدعنا معاهم .. مكانوش صافيين من جواهم
واللي في قلبنا شيلناهم .. عملوا ملصان يا خال
يا خال .. يا خال
شفت كتير م الدنيا .. وعمري ما قلت الآه
مجاليش واحد على سكة .. مكنتش جدع معاه
عمري ما كنت ناقص .. طول عمري سندال
لقمتي بعرق جبيني .. مليش غير في الحلال
ربك كان معايا .. عفيني من السؤال
يا خال .. يا خال
ما دام القعدة حلوة والسهرة صباحي
بعد إذن كل راجل جدع ومين معاه
نرجوا أخذ الانتباه ..
دخل الولد على خاله يشكيله حاله وهمه من الدنيا
رد عليه خاله وقال يعلمه م اللي اتعلمه من الدنيا
دنيا الفقير موَّال ودنيا الغني مزامير
والغنا مش بالمال الغنا غنا النفس وعندي ألف دليل
والدنيا ظالمة زيها زي ناسها
والسالك فيها مش هيدوق غير الذل من ناسها
والندالة فيها زي عمود البيت .. بنيتها وأساسها
والرك في الدنيادي م ع اللي قال
مهو القول أصله ببلاش
الرك على اللي يعمل الحاجة
يعملها وميقلهاش
وفي الدنيا دي الصبر بيتعرف برجاله
والجدع الجدع محدش بيبكي عليه
هو وحده بيبكي على حاله
وكتر البكى يعلم الأسى
والحزن لو ملك القلب ميطلعشي
والفرَح لو حل مراكبه .. يروح ميرجعشي
يا ولدي هقولك كلمة واحدة وتسمعها
الرك مش ع القايل .. الرك ع السامع
اللي ياخد الدنيا عافية والله مهو نافع
واللي يعيشها مطاطي والله مهو نافع
فاسمع وركز في اللي هقوله الجاي ..
رد الغلط بالغلط وقت الغلط مش غلط
والصح لو مع غلط يبقى أكبر غلط
وإحنا ملناش في الغلط
ملناش في سكك الغلط
مش معروفين بالغلط
مش من صفاتنا الغلط
مبنمشيش في غلط
دول خاينين يا خال
بياعين يا خال
تعبانين يا خال
كلمات أغنية عشوائية
- girls generation - lion heart كلمات الأغنية
- orleans - golden state كلمات الأغنية
- printemps - museum de dou shitai? كلمات الأغنية
- rihanna - as real as you and me كلمات الأغنية
- robyn cage - cinderella story كلمات الأغنية
- sweet sweet lies - capital of iceland كلمات الأغنية
- robyn cage - capacity كلمات الأغنية
- robyn cage - burning now كلمات الأغنية
- robyn cage - born in the desert كلمات الأغنية
- robyn cage - annabelle's dance كلمات الأغنية