ibrahemmo - ana kdab|انا كداب كلمات الأغنية
الكدب اخرته النار يا ابنى لازم تبقى فاهم
و لما التليفون رن قال لي رد و قول له نايم
قال لى ان الصدق بينجى و الكدب ف داهيه يوديك
بس لما قلت الحق ضربنى و لما كدبت نجيت
و لما كبرت و وعيت لقيت ان مفيش جديد
و ان كله بلسانين مش انا الكداب الوحيد
ف اكتب بالبونت العريض انهم ظلموا الجمل
و ان الكدب عند الناس دى زيه زى الهوا
على طول بتصدقك روح ارمى الكدبه ف ودنها
مهو اكيد مفيش ام ممكن هتكدب ابنها
و قولها انها كانت كدبه بيضا لما تبوظ
مهو مفيش كدب ابيض و لا فى كدب بنى ف روز
يجوز منا كداب الكدب عندى شئ مباح
بكدب طول اليوم و اروح انام و ضميرى مرتاح
ف اكتب ف اول صفحه ان شهره ابريل ده باسمى
بكدب لدرجة اننى بعد فتره بصدق كدبى
————————–
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
—————————
اول مره اقول اللى قلته ده الليلادى
صدقيني انتى اول بنت اعرفها ف حياتى
انا البرئ الهادى و كل الناس تشهدلى
من بقى مبتخرجش العيبه و حيات سيدى الحلى
حب الناس دى ليا لو كان بحر مكانش قضى
عمرى ما شوفت الكره عمر قلب ما حس خضه
حياتى بيضا و بمبى و بكل الوان الفرحه
و اللى ف رقبتى دى مش مشنقه لاء جرفته
ف من فضلك فكر قبل ما تقرب ليا حاسب
ياما قبلك ناس جم هنا و اتخموا فيا اسف
خد منى عينات تحت الميكروسكوب هتلاقى
كور حمرا و كور بيضا و كور كدب ف بلازماتى
و ملازمانى منين ما رحت و جيت دايما ع اللسان
مظبوطه ف اتجاهها رايحة لايقة ع الودان
بتصدقها و بتخليك ماشي ورايا لحد الباب
و انا بسوقك على عماك عشان..انا كداب
———————–
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
———————–
كلمات أغنية عشوائية
- fen - ghosts of the flood كلمات الأغنية
- blinded black - time is all we got كلمات الأغنية
- billy crash craddock - she could كلمات الأغنية
- black tie operation - six and a half كلمات الأغنية
- hypnogaja - need to believe كلمات الأغنية
- blue king brown - stand up كلمات الأغنية
- bone thugs n harmony - bnk كلمات الأغنية
- j mascis - listen to me كلمات الأغنية
- blink 182 - so stupid then كلمات الأغنية
- steve martin - calico train كلمات الأغنية