![kalimah.top](https://kalimah.top/extra/logo.png)
helium vola - printemps lyrics
li dous maus me renouvele!
avuec le printans
do jou bien estre cantans
pour si jolie nouvele!
car onkes nus pour plus bele
ne plus sage ne millour
ne senti mal ne doulour!
or est ensi
ke j’atenderai merchi!
au dessus de me kerele
ai esté deus ans
sans estre en dangier manans
de dame ou de damissele!
mais vair uel, blanke maissele
rians et vremeille entour
m’ont cangier cuer et coulour!
or est ensi
ke j’atenderai merchi!
tant grate kievre en gravele
k’ele est mau gissans!
si est il d’aucuns amans!
tant giue om bien et revele
ke d’une seule estinchele
esprent en arjant amour!
je suis espris par che tour!
or est ensi
ke j’atenderai merchi!
dous vis, maintiens de puchele
gens cors avenans
vers cui cuers durs c’aimans
de goie uevre et escartele
mar fui a le fontenele
ou je vous vi l’autre jour;
car sans cuer fui ou retour!
or est ensi
ke j’atenderai merchi!
كلمات أغنية عشوائية
- ssolumm - limerence lyrics
- idolish7 - ardor life lyrics
- dean fm - snap lyrics
- guy smith - songs of fallen angels lyrics
- lamaconlospazio - insoddisfazione momentanea lyrics
- mc bangu - meu violão lyrics
- eva lou - canvas of love lyrics
- palesse - лица этих девочек (the faces of these girls) lyrics
- slowga - apophis lyrics
- annahstasia - while you were sleeping lyrics