![kalimah.top](https://kalimah.top/extra/logo.png)
hashim chester - ثلاثية الألم 1 lyrics
بعد اللي شوفته منكو كرهت الشوف عشقت العمى
وسحاب بينزف دم لو تحزن عليا السما
فتحت قلبك للبشر بنوا الجدار بالأسى
روح مفاضلش منك غير وجع وجرح مابيتنسى
فوضت امري ليك يارب مفيش مابينهم جدع
مفيش مابينهم حد وقت الشدة يكونلك سند
ماشي الطريق بطولي صابر حتى اخر نفس
حتى الحجر بيحن لو يلمس ف قلبه الندى
..
وفضلت بخدع نفسي وافرش طريقهم ورد
انا اترميت ف حضن ناس كنت فيه بموت من البرد
عرفتوني معنى الغش وازاي اغير وش
وازاي اكون مبسوط وانا ف ايديكو مجرد كارت
اتلعبت واتحرقت دلوقت خلص الوقت
قدمت معاكو السبت بس ببساطة اتسبت
اتباعت واتخدعت صرخت ما اتسمعت
سمعوا قالوا متخبطّش ومتجرّحش لو سمحت
قدرتوا تبيعوا لكن مين الخسران اسألوا
الدنيا دايره ولازم تدور عليكو اتقلوا
الصبر كان ايوب بيتضرب مثل بإسمه
القبر كان خلاص لشخص روحه كارهة جسمه
متشرفتش يا صحبه علمتني معني الغدر
مش هتخدع بديابه مهمى تلبس وش البدر
ناس بتعتبر طيبتك معاهم يعني كسروا عينك
ابتسموا للفلاش وحدكو عشان هخرج من الكادر
وفضلت بخدع نفسي شوفتوا وصلتوا بيا لفين
وازاي هيفهموني دي ناس بتشوف بنص عين
لكن قلوب مفيش كدب وخداع على ابوه
بتوعد مابتوفيش لصاحب يوم صاحبوه
عشت ف وسطكو غريب واتخانت من القريب
لكن قولت النصيب ولازم ارضى بيه
ومشيت ف السكه وحدي على اللي جاني منهم
بحمد واشكر ربنا عشان نجاني منهم
غلطت اه مفيش إنسان ف الكون مفهوش عيوب
دا الذنب لما تفكر انك خالي من الذنوب
إبليس كان عاصي ربه لكن فضل يكابر
وساعتها بتبقي الغلطة أكبر من إنك تتوب
بقى اللي يعيش يشوف بنقلب الكفوف
علي ناس بتخون العيش والملح وبتقولك ظروف
بجاحة الدنيا فيهم نسيوا الضمير ف نسيهم
عرفوا الحقيقة بس دا ف اخر دقيقة ليهم
الوقت مش ملكنا قولنالهم في ربنا
قالك ماتجيبش سيرته لو حابب تكسب عندنا
العب بكل ما أوتيت من قوة لاجل تفوز
هتمشي عكس السير وسطنا هتعيش منبوذ
الكِدب سُنة عندهم والغش يبقى فرض
العب بنزاهة ف ماتشهم أكيد هتاخد طرد
حتي الإحساس بقي مجرد لقطة ف عمر كامل
ماشيين بمبدأ الإنسان أخطر حيوان ع الارض
قانون برية بحت والبقاء دايماً للأقوي
لن تهدي من أحببت سيبك من النفوس الضالة
دورت يوم ع العلّة واتضحلي انهم العلّة
دي ناس بتحسد الكلاب على نومة ناموها ف ضِلّة
سقوك كاس الخيانه وزعلوا لما داقوا منها
دا الدنيا داء والبطل اللي يشفي داؤه منها
سيبك منّهم واللي يجي منّهم احسن منّهم
دي ناس يا صاحبي أخدوا معانا اكتر من وقتهم
صندوق بُكايا لو فتحته تغرق فيه المجرة
قلبي لو فتحته تلاقي حاجات بتقولك اطلع بره
عشرين خريف زيف قلبي نضيف عشت شريف
حتي القسوة ف شارع قلبي شبعت ركنة عالرصيف
دنيا الداخل فيها مفقود سيبك من اللي عدّى و فاتك
واعرف بإنك مش هتعرف إلا يوم وفاتك
إكتم أنفاس كلامك واقتل اللغة ب سكاتك
واشرب من بحر وجعك يمكن تغرق ذكرياتك
ماتفوّق نفسك بقا ، العمر مش بعزقة
و الصاحب لو هيضُر ، اعملّه 100 مشنقة
و بناقص ناس باعوك ، من امتى قدّروك
لو كانو ف يوم حبّوك ، بجد ما كانوا جرحوك
شكراً لكل واحد عرّاني ف طريق المطر
شكراً لكل من أذاني و دمي عنده اتهدر
خلاني صاحبت الوحدة اللي علمتني إني
محدش يوم هينفذ معايا أكتر من القدر
بتتولد ف لفّة وتتدفن ف لفّة وأول لفّة وتاني لفّة في ما بينهم لفّة
يا تعيشها صح وتكسب يا تصاحب الخسارة
لانك بعد الموت هتشوف أفعالك في انتظارك
وساعتها مش هتقدر ترّجع اللي عدّى
وهتلعن يوم ماعيشت عمرك تحت حكم المادة
وتقول فشلت سألت ليه الموت اسود غميق
قالوا بإن الشيطان ف الأصل كان مشروع بريئ
بعد اللي شوفته منكو كرهت الشوف عشقت العمى
وسحاب بينزف دم لو تحزن عليا السما
فتحت قلبك للبشر بنوا الجدار بالأسي
روح مافاضلش منك غير وجع وجرح مابيتنسي
فوضت أمري ليك يارب مفيش مابينهم جدع
مفيش مابينهم حد وقت الشدة يكونلك سند
ماشي الطريق بطولي صابر حتى اخر نفس
حتى الحجر بيحن لو يلمس ف قلبه الندى
كلمات أغنية عشوائية
- bruce springsteen - candy's room [live 1975/85] lyrics
- telyscopes - i wanna cut you open lyrics
- hd-80 - nautical nonsense lyrics
- julieta venegas - limon y sal (unplugged) lyrics
- kufu & trọng rmx - yêu gì? nhà bao việc! lyrics
- kinderzimmer productions - 1-2-3-4 lyrics
- wanderson & marda - vem, amigo lyrics
- nyles lannon - cruel lyrics
- speezy wyhll - sauce lyrics
- сказка (skazka from 90s) - куришь в окошко (smoking in the window) lyrics