a b c d e f g h i j k l m n o p q r s t u v w x y z 0 1 2 3 4 5 6 7 8 9 #

gadoora - دموع محارب كلمات الأغنية

اي

قدورة

البلد لسة غرقانة

غاف

داير ادي الذكريات دي طلة
شايف الزمن ماشي ، ذكريات أقل
احاول انسى حاضر فوقو الناس اتذلت
بس عشان في ناس اتخلت عن مبادئ ، قالو الناس تتبل

ناس دايرة تتحل ، تحركاتها اتشلت
مواقف صعبة، زمن شان نلقى بشاير هلت
لانو الضماير ولت ، لما السيوف اتسلت
عايشين ظروف معتلة بدون ما نشوف اهلنا

تلقى طفولتك بتسلب منك
طموحات راسمها في الارض دي بدت تتلاشى
أفكار طاشة ، ما معروف ل وين هي ماشة
السلامة و الإعاشة ، عشان اولادك قاعد تتماشى

بس برضو الناس دي راشة ، ايام بتعدي
عقلية السوداني انو العيشة هنا تحدي
كيفن نتطور و الوضع ده في تردي
ف حتة بتشيل منك اكتر من ما قاعد تدي

كنا كل يوم بنلعب للمغارب
هسي كل يوم في زول من بيتو مارق
من ناس ختونا في أسوأ العواقب
خلونا نبكي بس دي ما دموع عادية

دي دموع محارب
ماشي حفيان في شارع كلو عقارب
مجروح بيضارب في ظروف خلتو يغالب النعاس
لانو النوائب محتاجة انو الزول يحاسب

و الباعنا لمكاسب ، أموال كان او مناصب
ده زولا خايب ، اقلب النقطة
كلو جايك ما تلاوز ، دعوة واحدة من مظلوم
و ما حتشوف غير المتاعب ، تاريخك اسود و عايب

هجرت الشافع و الشايب ، و امهاتنا و اخواتنا الحراير
بقن ضحية لأوباش بلا ضمائر،
كيفن حتقابل اي زول و وشك ناير
و انت عارف يوم من الأيام حتدور عليك دواير

لانو الشعب صابر و الصبر هنا اكبر من فكرة
نصبر على واقعنا ، و نصبر نكبر بذرة
انو مهما كانت الامور جايطة و الناس دي سايطة في ارضنا لازم يجي يوم نرجع فيهو الذكرى لمن
كنا كل يوم بنلعب للمغارب
هسي كل يوم في زول من بيتو مارق
من ناس ختونا في أسوأ العواقب
خلونا نبكي بس دي ما دموع عادية

دي دموع محارب

- gadoora

كلمات أغنية عشوائية

كلمات الأغاني الشهيرة