![kalimah.top](https://kalimah.top/extra/logo.png)
farid kalamity - iblis / ابليس lyrics
[المقطع الأول ]
اسمي إبليس متشرفين أيها العباد
قبل مانكون شيطان كنت مع الملاك
أنا لي المراة بكري فقرعة تخبيني
انتوما لي تنساو تدعِيو ربي باش يخسيني
ملِّي بدات الغيرة زرعتها في قلوبكم
ماركعتش لآدم أول إنس فيكم
وليت مسخوط وأنا هو الشيطان
بعدتكم على لحلال وقربتكم على لحرام
جيت قبلكم فوق الأرض مي نروح موراكم
عايش معاكم متشوفونيش وداير رايي فيكم
ندّمر أمة محمد وأنا هذاك لي بِيّـا
تْوَكلو ولادكم لحرام وتربحو دراهم مربية
تانفيستيو فكومارس حرام les bars تحلو ف
تشركو في تخمامكم تتفكرو ربي غير فوقت الظلام
ماتسمعوش القرآن تسمعو الغناء فكباري
نفرح كي نشوف فريد مزال يدير في مزماري
عايش نشوف فيكم وندير فالزكارة
نسِّتتكم فالموت لتّٓيتكم ديرو فالشكارة
نسِّيتك فالدين وعلى الصلاة نخليك عاطل
عايش فرحان تالمون درت فيكم الباطل
غويتكم بالفاني وديتكم للهلاك
يدور ف les bars وين مَيْدورش الملاك
نحب نشوفكم خابطين تشطحو كي لحمير
هه نستنى وقتاش تموتو سكرانين
بيا أنا شحال مالوحدة خادعة راجلها
وبيا أنا شحال مالواحد مرتو خانها
resultat درت منكم يتامى
اديتك تفورني ونسيتك كاين ناس راي جيعانة
انضعفلك ايمانك وتولي كي المكفوف
شحال مالواحد صايم فطر كي قتلو واحد مراو يشوف
نهار لي تموتوا قليل لي يرفد كتابو باليمين
يا ربي ماشي أنا عبادك لي ساهلين
[اللازمة ]
هو إبليس يروح بالإستغفار كي يسمع القرآن يذوب كي الرّصاص فوق النار
كي مانصلوش ،كي مانتعبدوش، تدمر أمة محمد كي مانستغفروش
[المقطع الثاني]
ضيفي هذاك لي سرق وصاحبي هذاك لي زنى
درت فيكم نسا تقول رجال ورجال تقول نسا
عمرو راسكم ندخل بيناتكم
نجر على ولادكم ونجر على بناتكم
تعمرت الملاهي اكثر مالجمعة فالجامع
غويتك بالفاني نحب نشوفك طامع
كي تتنارفا … يغومبلاسي الدوا في لسانك
نجي نوهي فيك كي نشوفك sérieuxنشوفك ساجد
فرّقت بيناتكم فتنت بعضاكم شحال مالخطرة
كي يصرالك بروبلام تروح تشتكي للقرعة الخضرة
انسا الصراط المستقيم نحب نشوفك تتمايل
كي تنوي تصلي نبعتك شيطانة تخليك تتخايل
نحبك تعيش مكفوف نحبك تعيش مغرور
نقطع صلاتكم فالصفوف نحبك تشهد بالزور
نقنعك تشد الرشوة نقنعك تقتل بنادم
نضحك عليك، نهرب عليك كي نشوفك نادم
تحلوا فايسبوك وماتحلوش كتاب قرآن
نحب كي ماتصدقوش والفقير يموت جيعان
الفاكتور تاع السحار وصاحبي لي سكران
في عينيا كي ماتصليش بلا سبة انت هو الفرحان
مام لي تدير خيمار نجر عليها كي لبهيمة
كي تخرج تنحيه باش صاحبها مايشوفهاش قديمة
نحب نشوفك تكذب surtout كي نشوفك تحلف
نحب نشوف البنات فالإباحة surtoutكي نشوفها تعرف
نشوف الخدمة تاعكم نسيتو الحديث تاع الراعي
نسِّيتكم فالإله وانا هذاك هو الهدف تاعي
ماتعرفونيش كيش داير والفتوا سيِّئاتي
ساعات نشوف عمايلكم نقول انتوما خاوتي
نعم انتوما خاوتي ولا شكون المبذرين
تضيعوا فالماء تضيعوا فالماكلة ضيعتوا الملايير
هذا يقذف في هذا كليتو بعضاكم
تهدرو في بنات الناس هاذو لفعايل لي ساكنة فيكم
[اللازمة ]
[المقطع الثالث]
الإسلام السّلام قلي كيفاه ندير منك إهابي
بانتلك انت هو لي تحاسب الناس في بلاصت ربي
قتلو أرواح بريئة باسم الفرض وباسم السنة
ويجيبلكم ربي الجنة راي تستنى
انَّسِيك فالله أكبر قرب منك كي تتكبر
انسِيك فالقبر وبيانسور انسِيك باش تستغفر
كي تدير الخير نخليك تهدر عليه
باش مام تدير الأجر ربي مايجازيكش فيه
كي ماتسميوش تقولو باسم الله ناكل معاكم
كي ماتسميوش مام نساكم أنا نجامعها معاكم
كي تتنارفا قول المرتك راكي طالقة
والفاتحة تولي باطلة ومرتك تولي محرمة
علامة السجود مايحبهاش إبليس
البس الغوتشي واضحك على اللحية والقميص
اللي مايشهدش نبات معاه وندعي يروح فأحلام دايمة
الحاصول كون جات بيدي تموتوا ڨاع بسوء الخاتمة
[اللازمة ]
كلمات أغنية عشوائية
- kill4zoe - ch0k3h0ld lyrics
- stacy dean campbell - rosalee lyrics
- 山根麻衣 (mai yamane) - (every time that you) walk in the room lyrics
- double m & e.r. - 1 gegen 1 lyrics
- thehxliday - in my feelings pt. 2 lyrics
- mit mj rips - 2010 lyrics
- abby roberts - sleepwalking lyrics
- popkill - parasite lyrics
- less (tr) - düşün sorgula lyrics
- ket$ar - nouvelle sphère lyrics