faraj suleiman - فرج سليمان - remnant of soul - جايبلك معي كلمات أغنية

جايبلِك معي جوريّة
لاقيتها عَ طْراف الطريق
جايبلِك قصة صغيرة
كنتي تحبّي تسمعيها

والبكلة الّي طلبتيها
جايبها معي…

جايبلِك ريحة البيت
وخيط شمس عم بتفيق
وجايبلِك شالِك الأحمر
كنت أحبك تلبسيه

وكلام لقلبي تهمسيه
جايب معي…

شوق كبير وجسم تعبان وروح بتضيق
جايب دمِع بْقلِب فنجان
كانت قهوتِك تعبّيه
وفرح بغيابِك سرقتيه

جايب حُرقة سنين
وتخت فاضي وحزن عميق

جايب بقايا الرّوح

كلمات أغنية عشوائية

كلمات الأغنية الشائعة حالياً