a b c d e f g h i j k l m n o p q r s t u v w x y z 0 1 2 3 4 5 6 7 8 9 #

f killa - kon 7a2e2y كلمات الأغنية

kon 7a2e2y lyrics
verse 1

اول ما سمعت الراب العربي مكنتش مقتنع
مزيكا متخدة من الغرب بكلام مصتنع
ملهاش دعوة بالواقع و اللى بيجرا فى المجتمع
من هنا قررت اراب مش بس اكون مستمع

اغير الفكر اللى وصل للناس وجوه عقولهم طبع
انه مش فن تافة دية ثقافة لازم تتبع
بتظهر الحقيقة مفيهاش هلع ودلع
قريبة من القلب و العقل فيها مسكن للوجع

بداية 2006 قررت اكتب اغنية
يتعبر عن الواقع والحياة التكنوقراطية
فتطورت الاحداث واختلفت العقلية
خطيت برجلي عتبة الراب المصري وشلت المسؤلية
بأني اوصل صوتكوا وصوت الهاجس اللى جوايا
بشكله على حقيقته مش فيلم ولا هو رواية
بختار كلامتي بعناية بلعب بالفلو رماية
واى رابر فيه بيف معايا هيكون وجبه على غدايا

chours

فى اول مسيرتي فى ناس كانت بتحبطني
بتحاول تشتتني عن الطريق تبعدني
لكني ثبت على مبادئ قدام مني
خلتني اكون حقيقي فى كلامي يعبر عني

verse 2

لو هتكلم عن النشأة الجذور والاصول
بيبان عليا اني شبراوي كدة من غير ما اقول
26 سنة ولسه قطر الجواز مقفول
وطول ايام الجامعة كنت بالعافية بجيب مقبول

اما بالنسبة للحياة انا لافف فيها وداير
ولا عمري هروح للميديا ولا اعبي الهوا فى شكاير
واللى يقول دة فن هابط اعرف انه على فنه غاير
عارف لو طلعنا هننجح ومش هتلحقوا على الخساير

الهيب هوب دية ثقافة ومنها انا اتثقفت
اتعرفت فى المجال بالمقاتل اتلقبت
ومابين كل الرابرز بالرجوله اتوصفت
بأحترامي وبتقديري وبجمهوري اتشرفت
نهاية حديثنا احب اقولك اني هفضل مكمل
هعلى اسم الراب ولكل الصعوبات هتحمل
ايوة مش هستسلم على مزيكة jbeats هنقدم
راب يرتقي بالمستمع ومنه الاجيال تتعلم

chours

- f killa

كلمات أغنية عشوائية

كلمات الأغاني الشهيرة