a b c d e f g h i j k l m n o p q r s t u v w x y z 0 1 2 3 4 5 6 7 8 9 #

essam sasa - west dmoa we grah | وسط دموع وجراح كلمات الأغنية

[المقدمة]
(حصرياً على موقع مهرجانات دوت كوم)
وسط دموع وجراح وخراب جيتي سعدتك كملتيها
قلتي أحسن خلينا صحاب وجراحي طبعا زودتيها
عادي مش فارقة ما كله غاب، قصة مملة إنتي قفلتيها
كنت مربي في بيتي زمان لا مش كلب كان كلبين
كلب حشيش مدمن دخان بيبعني لأجل سجارتين
وكلب قرش ملوش أمان راح سلمني عشان قرشين
(كيمو الديب)

[المقطع]
أنا سالك في علام مش سالك لازم أتجاحد لازم أدوس
ليه بترموني في بحر مهالك ولا عشان ماعيش فلوس
إيه يا بشر بس اللي جرالك، شكلي هقطع إيدي بموس
كنت بقول التقدير أحلى بس لقيتني طالع خسران
الطيب بيخش في سحلة وبقى بينام يبكي وزعلان
إمتى حياتي يا دنيا هتحلى أصل بقالي سنين تعبان
قالوا الحب إختفى من الناس قلت أكيد العكس تمام
ومشيت ورا قلبي الحساس فجاة لقيتني شبعت ألام
خلو دماغي تحب الكاس وأفضل صاحي وكاره أنام
ما بقاش ليا ما بينكم مكان، مش شايف غير بس خيانة
هبعد عنكم عشان تعبان وكفاية بقى تجريح وإهانة
عيشت جدع بوفي وبتخان، أنا إتأذيت من الناس بأمانة
أرض الرعب جزيرة الموت، المساء لأرض الطالبية
السيطرة حسن العرباوي معروف يابا بالرجولية
فتحي العرباوي المتصيت عايش جراءة جوة الدنيا
كنت بقدر كل صحابي، جيت على نفسي زيادة شوية
والتقدير ما طلعش إيجابي وأنا كنت حاسبها بأخوية
اللي بيحصل وقت غيابي كان ضحك وتريقة عليا
ليه إخواتي بقت تخسرني حالفة عليا أموت من الهم
كل الناس على طول تكسرني ولا حد بحالي بيهتم
الجدعنة والكيف دمّرني وما زارنيش ولا خال ولا عم
على الواتس ألف رسالة مبعوتة وكل شوية ألقى مكالمات
ومعاكسات من كام بنوتة لما شافوا صورتي بدولارات
وعيال فاكرة حياتي مبسوطة داخلة تحك لأجل كاشات
قمت منزل حالة بقول أنا مزنوق محتاج جنيهات
شافوا الحال قوام على طول وكأنهم مش شايفين
رنيت كله لقيته مشغول وهربوا مني وكانوا عارفين
إوعاك تنسى اللي في يوم باعك ما تخليش القلب يميل
عمر ما حد هيلوي دراعك طول ما إنت جريء يا زميل
إنسى الحب ما عادش بتاعك، مهما تحب أكيد هتشيل
آه يا ويلي من الزمن الأغبر خلى كلاب تغلط في عمامهم
شايف ناس هلس بتتكبر نسيوا إني أنا كنت مدلعهم
ياما قدرت ومش بتقدر لازم أنفض وأبعد عنهم
إنسان بس ماليش أصحاب تسأل عني أنا غايب ليه
ولا أكمني أنا مش دولاب عندي حشيش يتلموا عليه
حتى زمايلي بقم أغراب، حد مش فاهم جواه إيه
كنت مربي في بيتي زمان لا مش كلب كان كلبين
كلب حشيش مدمن دخان بيبعني لأجل سجارتين
وكلب قرش ملوش أمان راح سلمني عشان قرشين
وسط دموع وجراح وخراب جيتي سعدتك كملتيها
قلتي أحسن خلينا صحاب وجراحي طبعا زودتيها
عادي مش فارقة ما كله غاب، قصه مملة إنت قفلتيها
أنا إنسان كرهته دنيته، سرقت منه جميع أملاكه
كل الصحبة قوام نسيته ويقول لهم أنا كنت معاكم
حتى فلوسه كمان فارقته ما بقاش حتى في جيبه الباكو
مصنع أبطال عايشين أشباح، مية مسا لأرض الطالبية
حسن العرباوي يعني الجنرال ده ممشيها بالأخوية
واللي مشرف نفسه بنفسه فتحي العرباوي ده المافيا
الكرواني يعني عصام صاصا في مجاله ده نامبر وان
وعبده روقه القلم الجارح يفضل كلامه ياض بيرن
كيمو الديب شبح المزيكا في الشغلانة أصل لسان
أحلى إدارة يعني أبو طه، كلها قدامنا تكيش
(حصرياً على موقع مهرجانات دوت كوم)

- essam sasa

كلمات أغنية عشوائية

كلمات الأغاني الشهيرة