el rass - satti am sla7 | ستّي أم صلاح كلمات أغنية
[“كلمات الراس “ستّي أم صلاح]
كانت التيتا تنظنظني بحرز كيري وتغنيلي هيهات يابو الزلوف
كان خولو يخبرنا عن رامبو و بروس لي ونرجع نحضر ابو الحروف
كنا نعمل خيمة عالبلكون من حرام. قبيلة خمس اخوات
كنا نلعب انسان حيوان شيء ونخترع خانات
كان حاء يحب الريموت والنكت. كنا نضحك. يا ويلي شو كنا نضحك
نسيت كيف. بس بعدني ذاكر كيف كان طاء يحط قوانين تنكيت
عن الحد الادنى من الخبز المسموح مع سيخ الكفتة
كنا نضحك. نسيت كيف. نسيت كيف بس كنا نضحك
وكنا نصحى عصوت طارق عم يسمع قصيدة
عرس من الجن في الصحراء قد نصبوا له السرادق تحت الليل والقبب
حتى الدبب القطبية رقصت الا دب الضنية
والتيتا كانت ترقص وتقلد طوني حنا
والحجة قبل الحجة وبعدها بعدها بتحب عزيزة جلال
يمكن لانه بتشبهها/رومانسية الحجة بتحب الجمال
عصورة الزهور والعصفور وبتكره الغبرة من كل قلبها
والوالد عنده باقة بصل اخضر ولا حقلة ورود والامة بيحبها
قد ما بيشتاق لامه ستي حميدة اللي ما عرفتها
ولا جدي احمد بس سمعت صوته بشريط
ما عرفت اذا عم يمدح او عم يشكي
خبرني بيي كان يضحك وبنفس الوقت يبكي
بس عرفت ستي ام صلاح الست دلال
وصورة خالي ظافر المهاجر مخباية بقلب قلب بيضله حد قلبها
ستي ام صلاح علمتنا الاسلام قصص انبياء أخلاق واحكام الصلاة
ستي ام صلاح كانت تقول الله لا ياخدني حتى شوفك حكيم قد الدني
اخدك قبل الجامعة ايام بحكي بتخيلك سامعة
ايام بتخيلك هويتي الضايعة بوداع ما صحلي
وقعت شجرة لما رحتي بطلنا العيد نصلي
وبطلنا نتسحر كنت خيمة عيلة
ولا صرت طبيب ولا صرت حكيم
بس عهدتك عندي عهد عليي ما بنسى مين انا ووين تعلمت اجريي تمشي
عاي ارض وبايد مين
مش رح اذكر غير الخير
بركة ستي ام صلاح الست دلال
كلمات أغنية عشوائية
- will stratton - do you love where you live كلمات أغنية
- radio moscow - gypsy fast woman كلمات أغنية
- powerwolf - the evil made me do it كلمات أغنية
- phanatik - tight corner كلمات أغنية
- cat power - wish i was here كلمات أغنية
- usher - she came to give it to you كلمات أغنية
- shins - so now what كلمات أغنية
- king louie - made prod كلمات أغنية
- king louie - sheesh كلمات أغنية
- radio moscow - bridges كلمات أغنية