el rass - ashhadu | أشهدُ كلمات الأغنية
[“كلمات الراس ” أشهدُ]
[المقطع]
..لكل دمعا حبستا
لكل فرحة حسيت حالي اختلستا .. فخرستا
صورتا حرستا .. مخنوق جوا جسمي بس الذاكرة حرستا
فلما اشتد الحصار عليي جغرافيا الغوطة درستا
يلا اقمعني أرجوك جلدني بأخطبوط بدراعو تفوت ع نصي تحط خريطة تمد خطوط لحدود
عم نبلع كل الوجع كل الشعب عحبوب
عم نسبح حد الحدث كل الشعب لحود
وطز ب الي باع .. يحرم عليي ضيع ويصيروا موضوع
بينسوا أحلامن الي بيرجعوا يناموا بعد ما بيوعوا
أكيد في سكة صحوة برا القلق غير النوم
ما بيكفي اعرب عنو منصب وهمي بان كي مون
مش برتقان في عرق مرورة أهلا بعصر الكريفون
معزول عن بيئتي بقشرة هشة زعتر بكرواسون
ما انتفت أسباب رفض الأمر الواقع
تنبرم ع الي كان ونقلوا يا ضيعان
في شي لألنا بهالشوارع لازم ناخدوا
في شي لألنا بهالمعارك لازم ناخدوا
في لألنا غير الخوف .. غير الوعود
ما بينعطى هيدا نحن لازم ناخدوا
هويتي فالت أخال
عذاكرتي شادد يا خال
على جسمي فارد خيال
تاركلي كاحل أخيل
خيالي عابد فاض فيه الحال
بدو يراقص كلشي بدو يشكز كلشي
من ألفين سنة هون بعدو ذاكر كلشي
والكاحل بدو يجرب يرشيه
قطعني وعيش للأبد أعرج
انسى انسى لن تفرج
انسى انسى لن تخرج
نحن الحمم والزلزال نحن البركان
نحن خصب سفوح جبال
نحن عناد الانسان
من أنس مش نسيان
للجزر تربة بنزرع .. للعصا العصيان
فوق دم كل الي ماتوا بنوا للعرصه تمثال
بعمل لحمي ميدان وزين بمكيالين فوق راسن ميزان
عيوني عالشمس خلي الغراب ياكل كبدي قبلان
واذا كل الذاكرة وجع فلنبدأ الآن
نبلسم .. يبرعم .. نستولد الأيام
أيامنا سنين مما يعدون
ذاكرتنا أصلب مما يعدون
في شي لألنا بهالشوارع لازم ناخدوا
في شي لألنا بهالمعارك لازم ناخدوا
في شي لألنا غير الخوف .. غير الوعود
ما بينعطى هيدا نحن لازم ناخدوا
كلمات أغنية عشوائية
- jason cassidy - ride of your life كلمات الأغنية
- levi riggs - f-150 كلمات الأغنية
- young zee - macosa كلمات الأغنية
- yo yo - westside story كلمات الأغنية
- youthful praise - garment of praise كلمات الأغنية
- josh abbott band - if you're leaving - i'm coming too كلمات الأغنية
- youthful praise - incredible god كلمات الأغنية
- josh abbott band - end of a dirt road كلمات الأغنية
- jason cassidy - sounds like an angel to me كلمات الأغنية
- levi riggs - down home boy كلمات الأغنية