![kalimah.top](https://kalimah.top/extra/logo.png)
el joker - sa3et el tagaly | ساعة التجلي lyrics
حاطط في حساباتي كل حاجة، وبرضة بتيجي برة
لو أعمى ضرب قدي ع الهدف هيصيبه مرة
قالت مش همشي؛ بس عينيها كانت بتقول مضطرة
مكملتش ردم عشان إيدي بتتحرك
فيكي جبال وعود .. تخس تل وماله
كارهين عالمنا بقلب لإنك لينا كون بحاله
جميع آلهة الفن ميجلسوش في وجودك
ملوك متهابش كسرى؛ لكن تهاب مولودك
منحتيني البداية
قولت اجعليلي آية
قولتيلي عام م الإنتظار لكل يوم معايا
عايشين في عرض البحر
يادوب بنرمي الشبك
ماحناش ضامنين عشانا
ملناش كلام ع السمك
وبيني وبينك قولنا كلام مقولناهوش في العلن
مش أي أي برضه .. ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت
بطلت أقابل ناس لتسأل: ليه مجيتش بيها؟!
راجعة بقميصك بعد غيبة ابيضت عيني فيها؟!
ولا اقدر أقولك امشي .. ولا أقدر انسهالك
راحة البال بتدبح على رجلين تمثالك
يا إله حالات النص
لا تفضي ولا تتملي
زي قبلتي في النهر
أرمش بتتبدلي
بتيجي فجأة دايما
وتمشي فجأة دايما
ع الباب صليب مراقبك قايمة نايمة
منحتيني البداية
قولت اجعليلي آية
قولتيلي عام م الإنتظار لكل يوم معايا
عايشين في عرض البحر
يادوب بنرمي الشبك
ماحناش ضامنين عشانا
ملناش كلام ع السمك
وبيني وبينك قولنا كلام مقولناهوش في العلن
مش أي أي برضه .. ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت
في غيابك كنت ع الورق زي التاية في بيتي
عشان أعبر عن غيابك؛ لازم تبقي جيتي
أقصى إرتفاع في العجز
أتقل حمول تشيلها
مفيش حاجة بتتسمى غير لما انتي تاذنيلها
خالقة النجوم م الطينة
تهدي العصا، وتاخديها
عدم ثباتك موج
مفيش آخر موجة نعديها
ده العوام في راحة
احنا متأخر انتبهنا
إنك النداهة .. واحنا بس اللي إتندهنا
منحتيني البداية
قولت اجعليلي آية
قولتيلي عام م الإنتظار لكل يوم معايا
عايشين في عرض البحر
يادوب بنرمي الشبك
ماحناش ضامنين عشانا
ملناش كلام ع السمك
وبيني وبينك قولنا كلام مقولناهوش في العلن
مش أي أي برضه .. ألم كتاب في جرة قلم
ما بيننا سيم ولغة
نوزن برسيم لنخب
ساعة التجلي بيبقى قصادنا مدرسين ع التخت
كننا في أماكن مبيرجعش منها ضوء
قاعنا كان بعيد .. كننا بنقع لفوق
ولما احتاجت نمشي حسيت هوا المكان خدرك
الموت ورانا فوقي .. مش هرجع وحيد وأخسرك
دايما بنعرف التقليد عن اللي من انشائك
وغصب عننا نمجد في القدامى من عشاقك
وبنتسابق لحد الموت على سكتك
ونقيم مقام لأدنى شخص من كعبتك
منحتيني البداية
قولت اجعليلي آية
قولتيلي عام م الإنتظار لكل يوم معايا
عايشين في عرض البحر
يادوب بنرمي الشبك
ماحناش ضامنين عشانا
ملناش كلام ع السمك
كلمات أغنية عشوائية
- angie rose - angels (selah) [live] lyrics
- emily henry - i see the light lyrics
- лайт (sickoblaster) - bullet lyrics
- yung tax collector - daddy's home lyrics
- bedouine - forever everette lyrics
- grundy - feel lyrics
- bassam - han lyrics
- zakwe & duncan - isiqamelo lyrics
- fats'e - coward lyrics
- velial squad - blood lyrics