el joker - manasek el alam | مناسك الألم كلمات الأغنية
[المقطع الوحيد]
ماسك القلم، ودي مناسك الألم
آسف حاسس إن أنا، ندمان إنك شوهتها
بظهورك بس، ظهرت ليه؟
كنت إمشى بس، صلحت إيه؟
فكرك موناليزا تروح منى كجوكر فين؟
تروح مطرح ما راحت، اللي عملته ده لمصلحة
الجزء اللي باقي على اللي باقي من جملة إتصلحت
ماتمنيتش شيء يتهد، أعتقد حبيت بجد
مهما بان في شبه بيني وبينهم، أنا مش شبه حد
بس، أوضح مشهد كان، أكتر مشهد فاضح ساب
أذكى شخص رابح بان، آخر شخص يلبس تاج
روحي، خدي المهلة كاملة، فرغى الطاقة الكامنة
أهم حاجة لما تيجى تانى تكوني مآمنه
خايف يطلع ذكائك خانك، وتكون مش رجعالك
تطلع كانت علامة، ربك قاصد إنه يوريهالك
تفتكر عيني بتيجى في عينها كل حياة علشان
لازم أفهم بس إن إحنا عشنا في كذا مكان وزمان
يمينى جثة فيل، ده مش المشهد الأخير
مع إنى ماشي مُبتسم وفى ضهري الواشي على الصليب
يعنى إحنا مكملين، وهما هيفهموا التشبيه
أصل أكيد هيبقوا جوكريانز زي ما بقينا مسلمين
ياترى كل جسمين كُنا فيهم إتألموا
فكرك ما المرة الكام عن التكرار بيتكلموا
آه كان ممكن يبقى طفرة لولا غباء الكاتب
مش أعظم مئة رجل، أعظم مئة رجل واحد
أيوه الورقة غضبت إنى لمستك أكتر منها
رغم إنى عايزك إنتى بس قوى أكبر عايزينها
معقولة إحنا اتقاطعنا كل مرة مرة واحدة
بعدين روحتي ناحية، وأنا ومعجزتي طبعًا روحنا ناحية
لما القلب بيقف العقل بياخد كل الطاقات
فا بيهديك تناسى آمن كمجرد عربون صداقة
برضه ماقتنعتش إنى مش هكون معاها
وإنى علشان أؤدي الغرض منى لازم أعيش بعاهة
طب هي عارفة أنا مين؟ ولا هي للتذكير؟
وقبل أول إحتياج لإنى أفتكر، عشنا كتير؟
كجوكر يرضى غروري تكون دي كينونتها
كأحمد خايف لمنساهاش، تفضل خلفيتى صورتها
مكنتش أعرف إنك مش معاه وإنك رجعالى
فصنعت منها آلي شبه يحاكى حياتي معاكي
وهدفعها تمن، كل جرة قلم، لحظة ندم
رد أي سؤال الفترة الجاية سؤال مين اللي بدأ؟
في مواضيع بناقشها في سطور انت متفهمهاش
بالمعنى اللي يبين إنى مسبتش حاجة ماقلتهاش
مش بجري ومش هلحق لقب، أنا النظام جابنى هنا
لو دى أول مرة ليك على الكوكب تبقى مش زينا
في أسئلة كتير ماتجاوبتش غير سؤالك
لازم ما خلف الحياة مش الحياة اللي تشغل بالك
كان لازم يبقى ليها معنى، يبقى ليها كمالة
كان زمان العصر الحجري أذكى لولا عصر الآلة
كلمات أغنية عشوائية
- prometheus the titan - final goodbyes كلمات الأغنية
- desmond dekker - oil in my lamp كلمات الأغنية
- old g - safkan كلمات الأغنية
- cereal records - bugazy كلمات الأغنية
- 100 gecs - halsey - without me (100 gecs cover) كلمات الأغنية
- coach jeets - cold coach كلمات الأغنية
- plc - команда мечты (the dream team) كلمات الأغنية
- daliii - changes كلمات الأغنية
- andreas moss - stop me كلمات الأغنية
- small black - boys life كلمات الأغنية