el joker - el daght | الضغط كلمات الأغنية
[المقدمة]
شفت فـ عشرين سنة حاجات محدش شافها
كنت باخد مـ الحياة الألم وأرجع أقبل أسفها
كنت طفل بعمل بـ الورق مراكب قبل ما أفهم
إن ورقتي أغلي من استخدامها لصنع حاجة تافهة
شفت فـ عشرين سنة حاجات محدش شافها
كنت باخد مـ الحياة الألم وأرجع أقبل أسفها
كنت طفل بعمل بـ الورق مراكب قبل ما أفهم
إن ورقتي أغلي من استخدامها لصنع حاجة تافهة
[المقطع الأول]
إرفع ورق التوت يا ابن آدم متداريش عورتك
العالم متوسخش إلا بـ مغالطة قفل الرضا
كل كلمة فـ الكام كلمة وفـ الواقع أنا كنت قاصدها
مايعبنيش إن الجمهور مش فاهم لوحة بيبصلها
بحاول أعيد صيغة الإصلاح لكن بـ حروف دلوقتي
مش هطلع أقول صباح الخير وأغالط عقرب ساعتي
اللي مبناش نفسه يهدك واللي متزقش بيشدك
واللي مش لاقي انتقاد موضوعي يفضل يستفزك
عايزين الضغط يخلق كره فيك كشخص
حاول يسد خانات النقص فـ اتقابل بـ نوع مـ الرفض
فـ تنسى ، كل يوم قضيته بتحاول تفك سلاسل فكرة
دي ناس بتعيش الدنيا، موت فـ سبيل تحسينها
ابن نوح غرق، واللي مش ابن نوح ركب
كان الأولى يأيدوك، مش يوسوسوا للي سمع
مش بـ أهتم بـ النهاردة هييجي يوم تشوفوا الصح
ما أنا هفضل أبني سفينتي حتي لو شربتوا البحر
[المقطع الثاني]
إكسر آخر لمة فـ أوضة ضلمة وقول مش أنا
إبعد قد ما تقدر روح بلد مفيهاش مأذنة
الحق مش هيموت ولا فـ وجودك ولا فـ غيابي
من قبلي ودلوقتي ومن بعدي ناس هتنادي
ممكن يكون صوت الحقيقة مش مسموع عـ الكوكب
أنا لو مكنتش نوح، عـ الأقل كنت هركب
دا عكسك، تهمني الحقيقة تهمك نفسك
بس كون الواقع خلى الناس تدمع مكسب
رافض أبيعك أنت بساعدك قبل ما أساعد نفسي
بتفنن في طلاء أظافر الإيد اللي كاتمة نفسي
لسه اللوحة مش واضحة هتكره جوكر تدريجيا
أنت لسه فـ أول مرحلة من أمراضي النفسية
بحاول أفيدكوا بحاجة ياللي مفهمتوش تشبيهي
بلعن التسلية من خلال عمل ترفيهي
لو كانت الدنيا بخير عمري ما كنت أغني راب
عمري ما كنت أخاف أكتب محديش يقرا كلمة مـ الكتاب
[الجسر]
الواقع مش كذبة، فتح قبل ما تغرق
لو رضيت عن نفسك تفسد، أكتر ما أنت فاسد خلقة
طول عمري بكره الكوكب دا مش مـ الباب للطأ
لإنه خلى كل حاجة فيا عكس زمان بالظبط
طول عمري وأنا صعبان عليا أشوف الناس مش فاهمة
أما الناس اللي فاهمة فاسدة فـ بتلعب بمستقبلها
مش عايز منك حاجة لو عايز هبيع دماغي
عايزك تتحسن وأنت عايزني أموت عشان طمعان فـ مكاني
[الخاتمة]
بقيت بتغمى لما بقيت بخاف مـ النور
مهما أشوف الدنيا عتمة دا أهون من إني أشوف
إن الكدب ليه رجلين بيها عـ الحقيقة يدوس
أنا سايب الدنيا ليكوا وداخل أحلم بالكابوس
كلمات أغنية عشوائية
- gleb - audiokniha كلمات الأغنية
- sugarhill gang - on the money كلمات الأغنية
- graham parker & the figgs - sharpening axes كلمات الأغنية
- justo thewave - lil nina كلمات الأغنية
- kakiet - zasięgi كلمات الأغنية
- yung dadd - toxic things كلمات الأغنية
- lildrughill - миролюбивый (peaceful) كلمات الأغنية
- crazy ex-girlfriend cast - f**kton of cats [explicit] كلمات الأغنية
- m clan (rock band) - chilaba y cachimba كلمات الأغنية
- hella sketchy - stupid كلمات الأغنية