a b c d e f g h i j k l m n o p q r s t u v w x y z 0 1 2 3 4 5 6 7 8 9 #

el joker - baad el nesyan | بعد النسيان كلمات الأغنية

[المقطع الأول]
صحي في يوم مش فاكر من حياته اي حاجه
سأل نفسه : انا مين! ، و قام يدور علي إجابه
“لقي في دولابه صورة صاحب عمره قال “محمد
انا فاكرك” ، و بدأ ييجي في باله أكتر من مشهد”
لقي موبايله و لقي الرقم ، طلبه بدون تفكير
رد صاحبه بـ :يااه يا صاحبي ، فينك من كتير؟
انا فقدت ذاكرتي ، عشان كده اتصلت
خليها تحكيلك إزاي علشانها بعت طوب الأرض
بعد ما اتقفل في وشه سأل نفسه مين اللي أنا
بعت عشانها صاحبي ؟ ، و هو بيسأل نفسه لقي
:دبله و تحتيها ورقه ، مسك الورقه و بدأ يقرأ
صعب عليا أقبل مكونش أم … أتمني تفهم
إنهار وكسّر كل حاجه جت في طريقه .. إتجنن
فين و فين أدرك إن ده مش حل .. استسلم
بيُحاط بذكرياته مع مراته كأنه فيها
اي نعم ناسي كتير لكنه إفتكر حبه ليها

[اللازمة]
!في حياتنا النسيان يُعتبر مرض و لا نعمه ؟
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا
!في حياتنا النسيان يُعتبر مرض و لا نعمه ؟
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا
[المقطع الثاني]
بعد يومين طوال قرر ينزل بين الناس
قعد على قهوه ، قابل عجوز مسميينه الخال
سأله: مالك يا ابني شايل هم الدنيا لوحدك؟!
رد : نسيت الناس ، و الناس نسيتني، إيه اللي يضحك؟
ضحك الخال .. الواد اتنرفز ، سأله: ايه مشكلتي تافهه؟
رد : يا ابني انا ابني رماني في الشارع ،اديني مرضك لفه
في الآخر خده يكشفله و قاله : يا ابني ثق في الله
و الدكتور طمنه : هتفتكر بالوقت و العلاج
رجع بيته و حبس نفسه لمدة اسبوعين
أدوية و تمرينات ذاكره بالكاد إفتكر شيئ
قبل ما ينهار عصبيا قال ينزل يرغي مع الخال
قعد مستنيه عالقهوه و زهق بعد تالت شاي
سأل القهوجي عليه ، رد القهوجي بكره غريب
! الخال ربنا افتكره ، و الله ما أعرف ليه ناسيك
طلع محفظته يحاسب كان زعلان أد ما مذهول
وقعت من محفظته صورة الخال … بمعني اصح أبوه

[الخاتمة]
اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش
اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش

- el joker

كلمات أغنية عشوائية

كلمات الأغاني الشهيرة