![kalimah.top](https://kalimah.top/extra/logo.png)
el joker - 1 april | ١ أبريل lyrics
[المقطع الأول]
دلوقتي إنت بتسمعني مش بتقولي أنا من قرائك
بفضل وزارتين التجهيل ومسئولين محو الثقافة
حلوة الأغاني … ملعون أبوك يا شعر
صدر دينا بـ ستة أصفار قلم نزار بعشر السعر
ديك الدولة … ديك في عشة خونة
باعوا كل حاجة باقي بس يبيعوا الهوا ده
إحرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد
هتهزر ولا أيه ؟ ديمقراطية لمين وفين ؟
شعب يحكم ماشي يحكم بس عند أمك في البيت
هنحار مين ما خلاص يلا يا قلمي نستعمي
إبعد عن وش الفيل ولا أنا ولا إنت هنحمي الكعبة
كل ما أقول هتعتزل برجع في القرار عشانك
بشاورلك عالـ بر مع إني في مركب غرقانة
بصراحة بحاول أكرهك … ألاقي مخرجي وتلاقي مخرجك
بس غصب عني برجع كل ما أشوف موكب أبرهه
[اللازمة]
شايفني في المرايا … شخص قرب مـ النهاية
هفضل بموت ببطء طول ما إنتوا عايشين جوايا
مكنتش عايز منكوا حاجة كنت عايزكوا معايا
أنا اللي عملت حفلة عيد ميلادي وجبتلكوا الهدايا
شايفني في المرايا … شخص قرب مـ النهاية
هفضل بموت ببطء طول ما إنتوا عايشين جوايا
مكنتش عايز منكوا حاجة كنت عايزكوا معايا
أنا اللي عملت حفلة عيد ميلادي وجبتلكوا الهدايا
[المقطع الثاني]
كل ما أنسي افتكر كل أبقي مدمن أبطل
بعيش أعراض الانسحاب والنص جرام في الشنطة
مش هكدب زي نجوم الشاشة وأعمل فيها مثالي
هغني ميت دليل على حرمانية الأغاني
مش هتفه المحتوى … أنا مش تامر المجتمع
أنا مش عايز اتنفس تاني إدوني نصيبي حقنة هوا
ناجح قالي سعيد خطب ووحيد اشتغل في قطر
و أنا برسم مليون موناليزا فـ مش فاضي أرسم البطل
مخترتش علمي بكل ما أعلم … ولا جهلي بكل ما لم أعلم
واللي اخترته مختارنيش فاختياري كان بلا معنى
مش ذنبي إني مفيدتش الجمهور المغذى بين
سايباني برمي دود ما تقولي إننا في البحر الميت
بشق السطر وأرسم الطريق لبيت القصيد
عايز تسكن عـ الجاهز رأفض تحارب العماليق
كاره كل حاجة منكوا حتي كلامكم الجميل
أيام السنة كلها في عيونكوا يوم واحد أبريل
[اللازمة]
شايفني في المرايا … شخص قرب مـ النهاية
هفضل بموت ببطء طول ما إنتوا عايشين جوايا
مكنتش عايز منكوا حاجة كنت عايزكوا معايا
أنا اللي عملت حفلة عيد ميلادي وجبتلكوا الهدايا
شايفني في المرايا … شخص قرب مـ النهاية
هفضل بموت ببطء طول ما إنتوا عايشين جوايا
مكنتش عايز منكوا حاجة كنت عايزكوا معايا
أنا اللي عملت حفلة عيد ميلادي وجبتلكوا الهدايا
كلمات أغنية عشوائية
- low.sleep , dufrein - лишний ( excess ) lyrics
- big boss vette - problem lyrics
- the sun (ita) - la mia legge di attrazione lyrics
- von erichs - figure four lyrics
- enock (fra) - chant des sirènes lyrics
- áron andrás - black lungs, circle lyrics
- frex - forever song lyrics
- kękę - ajab si lyrics
- dead on a sunday - nobody wants to die a martyr lyrics
- bl lucky and big amp - double up lyrics