el joker - سلمى كلمات الأغنية
اتنطق أسمك صحيت ذكرى كانت بتموت، صورة وصوت
شبح الماضي قاملي مـ التابوت
سلمي متقولوش، سلمي متكملوش، لا سكوت
متعيدوش ذكرى نسج عليها العنكبوت
معاكىي كنت بعيش الهم لوحدك متشليش
ولما احتجت سلمي جنبي، سلمي فين، سلمي مفيش
حماراً يحمل الأسفار بربي حيه ما بين ضلوعي
مسحت دموعك، والغريب مسح منك دموعي
وقت ضيقي فـ بعدك فات، وجايه تقولي زكريات
ظلمك زاد، متسأليش على أحمد، أحمد مات
مهما تقولوا سلمي حباك ولسه عايزه تعيش معاك
حب امتلاك، أحمد معدش يشوف سلمي ملاك
ايوه عارف، غميت عنيا عشان مكنش شايف
حب زايف، أمل هايف، كنت مـ الحقيقة خايف
أخاف لأخسرها فـ برضى تقابل حبي باستهتارها
معاني فشل القصة واضحة وعيني بتصغرها
ابنى تهدى، للبر أشد، للغريق تشدى
شايفك زى ماشاف خيالى وعمرى ماشفتك إنتي
مسكتك سيبتي، قربت قد مـ إنتي بعدي
مُت ألف مرة فـ غبتك، وإنتي راحتك كنت فى غبتي
ابنى تهدى، للبر أشد، للغريق تشدى
شايفك زى ماشاف خيالى وعمرى ماشفتك إنتي
مسكتك سيبتي، قربت قد مـ إنتي بعدي
مُت ألف مرة فـ غبتك، وإنتي راحتك كنت فى غبتي
قيدت صوابعي شمع، رضيت برضا العين والسمع
اتهديت من طول سُقايا، جفاكى دمع
مصلحتي الدُنيا تتداس تملي راحتك عليا
عشرين سنة بتعلم بس لسة فـ أولي دنيا
رمتلك حبل نجاة عليا لفتيه وشنقتي
خنقتي، حرقتي كل سطر ليكي فـ ورقتي
سبقتي، قتلتي، غيرت وما اتعدلتي
قبلتي، تستهري بحروف رسالتي
فـ العيب عليا حاولت أصلح العيب فيكي
أنا بشد العيب يشد بس العيب كان أولى بيكي
عنيكي لمعت، يوم ما دارت لفت جمعت
عنيك تتحدى عيني، والودان عملت ما سمعت
عنيا دمعت لما الجذور قدامها اتقلعت
هموت واخدك فى حضنى وسامعك بتقوليلى ابعد
كان عقلى فين وأنا كل يوم بكسر ادامك عين
مرت سنة هاتيلى مرة اتساوت فيها الكفتين
ابنى تهدى، للبر أشد، للغريق تشدى
شايفك زى ماشاف خيالى وعمرى ماشفتك إنتي
مسكتك سيبتي، قربت قد مـ إنتي بعدي
مُت ألف مرة فـ غبتك، وإنتي راحتك كنت فى غبتي
ابنى تهدى، للبر أشد، للغريق تشدى
شايفك زى ماشاف خيالى وعمرى ماشفتك إنتي
مسكتك سيبتي، قربت قد مـ إنتي بعدي
مُت ألف مرة فـ غبتك، وإنتي راحتك كنت فى غبتي
متتوصفش، حُرقة فيا متتكتبش
مش دى اللى قالت حياتى بعدك واقفة مش هتمشى
اشتاق أشوفها، اعدى من قدامها أعرف ظروفها
الاقى الضحكة تعلى وانعدم عليها خوفها
قالت هسيب هغيب بس مين عارف النصيب
علقتنى بحبل دايب أسمه “أحمد أخر حبيب”
بس الكلام كان سهل، عايزة اما تغيب تربطني بحبل
والمفروض أفضل مستنى لما الشاب يبقى كهل
ايوة صحيت، فهمت قد ايه ضعيف الخيط
ولا إنتي أم عيالي ولا اللي تصونى جوه بيت
آه حبيت، بس ايه منك لقيت
ذُل ظُلم خيانة وبعتي رغم انى اشتريت
هنيمك فى حضنى وبيتنا ليك هيبقى جنة
وترجع من شغلك بتجري عليا وفى بالك عيالنا
ده الوتر اللى لعبتى عليه والحلم غدر
وفى النهاية قولتي حلمت بس حكم القدر
القلب اتعصر نزف دم يسقى قلب الحجر
كل الي سامعه “مش رجعالك” شئ جوايا اتكسر
ايه الي اتكسر وليه على اللى بنا انتصر
متقوليش كلمة قدر عايزك تقولي مين اللى غدر
حقيقة واضحة بس قلبك رافض المصارحة
فين الحب لما الواحدة تستخسر فى حبيبها الفرحة
من امتى شيلتى هم، مبكتش عيونى قبلك
امتي خوفتي فـاترعشتي وملقتنيش في حضني واخدك
سلمى، فى حياتك ياما قابلتي ناس ولسة باقي
بس اعذُرينى نص حبي ليكي مش هتلاقي
القلب الميت جالوا يوم ريح عفن تفوحله
والغريبة بير مسموم وبرجلى كل مرة اروحله
لأول مرة بتضحكني قولة “مش عيزانى”
ليه، عشان فى حضني واحدة مستعدة تموت عشاني
حب اديت، غدر لقيت، بس أحب انصحك
متدمعيش من بعدي مش هتلاقي اللي يفرحك
كلمات أغنية عشوائية
- 38 special - i just wanna rock & roll كلمات الأغنية
- xzibit - shroomz pt. ii (featuring everlast) كلمات الأغنية
- 38 special - jingle bell rock كلمات الأغنية
- boogie down productions - original كلمات الأغنية
- xzibit - rimz & tirez كلمات الأغنية
- 38 special - rockin' into the night كلمات الأغنية
- 38 special - rough-housin' كلمات الأغنية
- 38 special - twentieth century fox كلمات الأغنية
- 38 special - what can i do? كلمات الأغنية
- 38 special - wild-eyed southern boys (live) كلمات الأغنية