el joker - ابن سوق كلمات الأغنية
متعيشش حياتك . بتكبت حيواناتك
ماسكك مسيره يدوب قصاد جهنم احتياجاتك
مكسوف من ايه ؟ ده آدم نفسه كل مـ الشجرة
إدي الغلابه فرصة هتلاقيهم فجرة
الرضا عدوك . سيب الرضا لبتوع الدين
احنا ناس عايزين الدنيا فلازم نبقى مش راضيين
لازم متقفش مكانك . مش بس مترجعش
ضمان إن احنا نفضل نجري: هو إن احنا مبنشبعش
وأنسى السعادة . مفيش جشع شم السعادة
انت اخترت حاجه . محدش ينفع ياخد كل حاجه
انت طبيعي . محدش مش أناني
محدش نام جعان عشان يعشي التاني
أول بأول أقطع الطريق على الي بعدك
يا يعيش يا يموت . يا يموت بيطلب المساعده
وإياك تحب . الحب أكتر شىء مش صحي
أما الجواز مشروع . وفاشل لو مكانش ربحي
لما تبدأ تظهر إبدأ أشتري الألقاب
ومتكتبش سطر شعر قبل ما تشتري النقاد
إدعم فساد الدولة . الدولة الحرة مش مطرحك
لو الطور إتفك من ساقيته . مسير الطور ينطحك
أفتح قناة وجريدة . إنتج أفلام ومسلسلات
نادرا لما الرأي العام بيبص ورا الشاشات
في الواقع عمر جوازة مال وسلطة ما تفضل سر
المهم . متسيبش شبهه توصل للمدى المضر
إلعب على أمل الناس المرضي ، وخوفهم الهستيري
عمري ما هخنق حد فاكره هيحسن مصيري
إختصارا شوف حبايبك ، وإعمل الي بيعملوه
أحسن ناس يخلقوا طوفان ، ويبانلك إن هما نوح
ولسه بنسأل ليه البلد دي حيطه مالت
مبقاش في أمل ؛ لما قولنا أمل ماتت
دفننا طموحنا لما قدمولنا نعشه
كنا معكم من أعماق الي انت هارشه
كلمات أغنية عشوائية
- skyliners - i only have eyes for you كلمات الأغنية
- bamboo - looking out for no. 1 كلمات الأغنية
- timber timbre - under your spell كلمات الأغنية
- phoebe snow - something real (live) كلمات الأغنية
- sol invictus - tooth and claw كلمات الأغنية
- john cooper clarke - gimmix version 1 كلمات الأغنية
- schiller - tiefblau كلمات الأغنية
- michael gungor band - grace for me كلمات الأغنية
- wilson phillips - silver bells كلمات الأغنية
- isabelle boulay - voulez-vous l'amour كلمات الأغنية