![kalimah.top](https://kalimah.top/extra/logo.png)
el joker الجوكر - met.hamesh l متهمش lyrics
[كلمات الجوكر “متهمش”]
[المقطع الأول]
المنبه رن ، لكن الهدف من الصحيان سخيف
تكملة النوم مش إختيار … المستقبل مخيف
مفيش جنب بترتاح عليه عشان سريرك حجر
مشيت ورا كل خيط ، وإنجازاتك … رف بكر
حتى القهوة بتستناك تسرح للحظه عشان تفور
الطفل اللي خاف م الضلمة كبر بقى يخاف م النور
أول ما بتبقى إنفراد ، وباقي بس تشوط
بتبدأ تسأل نفسك عن حقيقة الوجود
الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش .. جيت جهنم الإنتقام
قسوة العلامة إنها بتمنع رحمة النسيان
خلي نصك يسأل نصك عاد علينا ايه من جريه؟
مادام بنعيش نفس النهاية في آخر السيناريو
وليه بنكون أشخاص مش احنا طول ما الضوء علينا
آدي تاني منبه رن لا مننا نمنا ، ولا صحينا
[اللازمة] x2
مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش
[المقطع الثاني]
ولد صغير .. حلم كبير ، ولما كبر الحلم مات
عجيب ضعف البشر ، وعجيبة قوة الكلمات
كلنا أسباب .. ده صاب عشان ده خاب
بس طول ما البشر سلالم إعرف إن اللي فوق كلاب
ملحقناش نشوف النور … وصلنا والشعاع مكسور
سيبنا الأرض لأجل بذور … رجعنا لقينا الأرض بور
والأوضاع متحسنتش ، لكن مبقيتش صاحب قضية
مضيت على إن مستقبلي مش أحسن من ماضيا
أسيب الجامع أقلع القفطان … ألبس قبطان
أسوق سفينة .. تغرق .. أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد
هعمل ايه في قفص بجناح؟ .. سؤال ايه اللي انا جوابه؟
تملي في إيدي في مفتاح معرفش بابه
مقدرش أختار ما بينكوا ، وأخسر نعمة المحايد
حب واحدة ميتنسيش بواحدة … يتنسي بوحايد
[اللازمة] x2
مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش
[المقطع الثالث]
نفس المطعم ، والأوردر .. متخاطرش دقيقة
طعم الملل أحلى من خسارة جديدة
رص مزيد من لا شىء … مزيج من الحمول عليك
بص .. عمرك من قدامنا عدى .. نسيك ده ولا ايه؟
بتعمل مش مهتم ، ولا مش مهتم فعلا؟
ضد أو مع الغريزة لما الموجة تعلى؟
الأقوى دايما صح ، والأضعف مقالش أشمعنى
مهو لو كل واحد طلب حقه .. الدنيا مش هتسيعنا
قريتنا وش فقر ، وناسها وش خوف وجهل
البنا ما بينهم صعب ، بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة
كل عيون كلاب حارتنا مفارقتكش لحظة
مخالش عليهم إنسحابك قبل كل رقصة
عيب المبدأ إنه فضحي ، والذكاء له ريحة
مهما دبحت نفسك مش هتبان دبيحة
[اللازمة] x2
مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش
كلمات أغنية عشوائية
- get well soon - ticktack! goes my automatic heart lyrics
- geoff berner - traitor bride lyrics
- get back loretta - girlface lyrics
- gather - glimpses of hope lyrics
- gene loves jezebel - upstairs lyrics
- georgie fame - rosetta lyrics
- general fiasco - buildings lyrics
- gemini five - making love song lyrics
- gazpacho - souvenir lyrics
- geordie - house of the rising sun lyrics