el joker الجوكر - emsho | امشوا كلمات أغنية
“كلمات الجوكر “امشوا
[المقدمة]
طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله
[المقطع الوحيد]
لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص
آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?
رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها
خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه
مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم
لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها
طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟
سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح
كلمات أغنية عشوائية
- boyz ii men - u know (dallas austin mix) كلمات أغنية
- benjamins - where you been كلمات أغنية
- the benjamin gate - violently كلمات أغنية
- boyz ii men - una cancion para mama (spanish version of "a song for mama") كلمات أغنية
- boyz ii men - uhh ahh (dedication mix) كلمات أغنية
- boyz ii men - under pressure (dallas austin mix) كلمات أغنية
- tears for fears - ideas as opiates كلمات أغنية
- boyz ii men - water runs dry (strat mix) كلمات أغنية
- boyz ii men - vibin (the new flava) كلمات أغنية
- boyz ii men - why christmas كلمات أغنية