e. a. mario - santa lucia luntana lyrics
partono ‘e bastimente
pe’ terre assaje luntane
cantano a buordo:
sò napulitane!
cantano pe’ tramente
‘o golfo già scumpare
e ‘a luna ‘a ‘mmiez’ ô mare
‘nu poco ‘e napule lle fa vedè
santa lucia
luntano ‘a te
quanta malincunia!
se gira ‘o munno sano
se va a cercà furtuna
ma, quanno sponta ‘a luna
luntano ‘a napule
nun se pò stà!
e sonano… ma ‘e mmane
tremmano ‘ncopp’ ê ccorde
quanta ricorde, ahimmé
quanta ricorde!
e ‘o core nun ‘o sane
nemmeno cu ‘e ccanzone:
sentenno vvoce e suone
se mette a chiagnere
ca vò turnà!
santa lucia
luntano ‘a te
quanta malincunia!
se gira ‘o munno sano
se va a cercà furtuna
ma, quanno sponta ‘a luna
luntano ‘a napule
nun se pò stà!
santa lucia, tu tiene
sulo ‘nu poco ‘e mare
ma, cchiù luntana staje
cchiù bella pare!
è ‘o canto d’ ‘e ssirene
ca tesse ancora ‘e rrezze
core nun vò ricchezze:
si è nato a napule
ce vò murì!
santa lucia
luntano ‘a te
quanta malincunia!
se gira ‘o munno sano
se va a cercà furtuna
ma, quanno sponta ‘a luna
luntano ‘a napule
nun se pò stà!
كلمات أغنية عشوائية
- princepbeats - m.i.a lyrics
- vreemde kostgangers - warm vanavond lyrics
- b(e)art - non ci vediamo da un po' lyrics
- adult. - why always why lyrics
- tone mula - extra lyrics
- nature m - know me lyrics
- lycinaïs jean - game over lyrics
- weyron - rossz kislányok lyrics
- emzy - i care lyrics
- raven radha - victim lyrics