dzel uzi - el 3ashaa' el akheer | العشاء الاخير كلمات الأغنية
في الوقت الحالي الصعوبة مبقتش في إني اثبت إني
جامد لا ، الصعوبة في إن الناس تأمن ب دا ، هل
بتاعتي دي ممكن توصل ل ١٠٠ مليون lyrics الـ
الي عايشين ؟ انا مش عايز اموت وانا مش مذكور
وسطهم ، هل ممكن تتحول ل لامبورجيني او فيلا؟
معتقدش
من صغري مختلف بس للإسف مضطهد
حاولت أحبب فيا الناس وابقي بيهم مقترن
كنت في حالي مهذب تقريباً كدا غير مشاغب
إكتشفت إن الإحترام قبطان يتقلب بيه القارب
سنة في سنة كبرت ، إتربيت كتير ما بين تعالب
بس لسة طيب زي ما انا بإختلاف تجارب
بدأت ادرس الفلسفة لاقيت اني كا فرد فارق
في وقت زلزال الأرض كنت انا الشخص الي ثابت
كلكم زجزاج في الطرق كنت انا الشخص الي سالك
كلكم بتخافو في حرب كنت انا الشخص الي هاجم
وسط إنفجار براكين كنت انا الشخص الي بارد
انا ردة فعل بس عمري ما كنت الي بدأ
الميزان ما بين العقل والقلب لعبتي
ازاي برجع علي الطبق شر والخير في معدتي
علمتوني ابقي ظالم وابقي راضي عن موقفي
كل الي شوفته مني تقريباً دا ربع قوتي
إتعلمت إمتي ابقي الفاعل والمفعول
بخبط علي باب التوبة لاقيته بجنزير مقفول
لو منمتش قاتل كل يوم في يوم هبات مقتول
ديزل زي الأكسجين تموتو لو بقيت معدوم
ليه باصصلي في المستوي الي انا وصلت فيه
بشدك معايا توصل ليه متساعدنيش ؟
للحظة بس فهمتك عايزني انزل تصعد انت
كل شئ ملكته جالي بجهد القمة دي مش ملكك
جبتلو ضغط وعقولكم مليانة نقص
شخصيات تقليدية لا تفقه قراية الشخص
ياريت العشرة دامت وقتي قشرتكو بانت بدري
رصاصي مؤذي للأبد انتو مصدي ومبري
لو حبيت عمري ما اتخلي بضحي بروحي ودمي
الوقت حماني من البشر بهني كل الي باعني
إتعلمت ازاي اتعافي وادوس علي الجرح الي في قلبي
لو برجل واحدة هقف واعجز كتيبة جمبي
عارف علاجي بس مش مهتم بيه
تقريبًا عشقت المرض الي اتصابت بيه
يعملو الغلط زعلو من زعلنا ليهم
تجار هيرمون سعادة مستنيك تديهم
كتير إتشتت ، بصرخ مافيش إتجننت
اول ما فهمت إني بني ادم قولت يارتني ما إتنفست
لو مشيت وربك عوضك بالي احسن مني احمده
في ناس اعرفها لو شافتني مع حد بتحسده
بنحب الغلط بس عشان بنستسهله
بنتقتل عشان بنحب والي يحبنا بنقتله
غابة كبيرة محدش عالم بيها
لو مقفل المناهج بردو تبقي جاهل فيها
هديك التشبيه وياريتك تأمن بيه
عشان الزيبرا شكله جيد فا الغابة بتهتم بيه
إحتكرو الي في الشارع رغم إنه نفس الفصيلة
الناس بتحكم بالمظهر مش بالجوهر الي فينا
عضمي إتكسر عدي عليا ميت ترام
مش هدرس في المناهج رغم اني اتقل من مطران
وقت ما بتأذي وبسكت للأسف مش خوف
بفكر في ردة فعلي بعرف إن اخرها موت
وخسارة اخش السجن في ارواح لا تفقه شئ
زكرياتي هي سجني من بعد ١٢ بليل
محتاج الحضن تنكسر ضلوعي فيه
حب الناس دا ليا عوض من حياتي سنين
ميفرقليش مجموع مش محتاج اكون طبيب
عايز اقف علي استيدج كبير وقدامي جماهير
والكل بيهتف بيا دا الي عشت اتمناه
بنجح عشان مختلف ديزل مش واحد من الناس
جوايا كتير فا دماغي بتسيح وتسيل بطلب وجودهم
جمبي بلاقي الكل بيسيب ، ربك مأكدلي إنهم هيجيو
زاحفين حتي لو مرت سنين قميتي دي اغلي بكتير
محدش ناجح فنياً غير لو مشوه نفسياً
مواهب مرمية لجل مشاكل مادية
حياتي مؤذية بشكل عاجز عن تعبيره
الشخص الي عايش جوايا لسة عاجز عن تفسيره
العشم قتلني للأسف مخلي كرامتي في الأرض تدفن
في الثانية والتانية انا عايش اتخذل بندم وأتحسر
علي الجهد الي أتبذل وعقلي ينهزم وزني مخل
مش عارف اتزن مش عارف اتوزن محدش بيمدح
الكل حبذا علي الأذي بتمني اتمسح واتنسي
من الدنيا واشيل الي فيا ، مين الي ليا ؟
الي فيكو سالك مش صافي نية
عارف القدر مش راضي بيا
عايز ثقة مش ميت هدية
ملهمش غية ملهمش ديا
ميت بركان كان طافي فيا
ميت بركان كان طافي فيا
كلمات أغنية عشوائية
- paul gilbert - it's all too much كلمات الأغنية
- sean barna - modern man كلمات الأغنية
- skitarg - sverige facking fosterland كلمات الأغنية
- tiwa savage - tiwa's vibe كلمات الأغنية
- *nsync - forever young كلمات الأغنية
- einshoch6 - deutschlehrerinnen كلمات الأغنية
- индаблэк (indablack) - r.i.p. كلمات الأغنية
- the sevateem - is this death? كلمات الأغنية
- lucian x fallow - looking for كلمات الأغنية
- calzado anim - sad nigga hours كلمات الأغنية