a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dr.drer & crc posse - cabudanni كلمات الأغنية

[strofa 1]
su trexi ‘e cabudanni innoi est ancora meda basca, apuntamentu a ora de soli a sa una e mesu in pratza. pr-ntus po partiri, ajò totus a capo frasca, piga un’atra màchina ca custa no s’abàstat! un’ora e p-ssa de viàgiu si pàssat arriendi, sorp-ssendi saludaus is atrus chi funt andendi, ma prima chi arribaus a sant’antoni de santadi su tràficu chi nc’at, parit d’èssiri in citadi e no nc’est viàgiu pagau, no nc’est bus organizau, seus millas e millas chi oi ant pigau fillas, màchinas, amigus e paninu po andai a nai a forti: “baxei-si-ndi a casinu!”
cun mìssilis, bombas, esercitatzionis
fogu acanta de domu, pruini malu ne is prumonis
no seus in gherra cun nisciunu ma seus pr-ntus a c-mbati: “arrendetevi, siete circondati!”

[strofa 2]
nc’est unu cancellu e un’arrecintzioni longa finsas a celu
chi cùat belenus, bregùngias e misteru
diaderus: su pensamentu mannu cosa nosta
est ca in s’istadi no biat nudda su turista
seus su logu prus militarizau de totu europa
ma no si dònant sa copa, ca no est unu bellu bantu
e no mi spantu si seus primus in su mundu
no sciu nai, e nimancu du bollu sciri ca no est cosa de bantai
duus o trexentus funt is postus de traballu in totu is basis de sardìnnia e in prus su marisciallu
teulada at tentu giai tremilla e prus disterraus
mentris totus is biddas acanta de mari ant amanniau
aparèchius in bella amosta, girendi costa-costa
seus benius a cabu frasca po donai un’arrespusta
sa generatzioni nosta est una vida chi est abetendi
ant segau s’arretza e in sa basi seus intrendi

[strofa 3]
nc’est unu cartellu giallu: “stop aeronautica!”
apalas discàrriga, ant interrau àliga bèllica
ita fini at a essi fatu? bai e circa
spèrdia asuta de terra opuru in sa falda acuìfera
e candu ddus intendis chistionendi de bonìfica
no scint mancu ita bolit nai, ita totu sinnìficat
su tòriu arràdiu-ativu arribau finsas a sa còssiga
c-menti nci-ddu bogas? seguru ca no intòssicat?
su ministeru de sa difesa controllau e controllori
nàrat chi est totu a postu, oiamomia it’arrori
de sa giunta arregionali de is professoris no mi fidu
no ant mòviu didu, sigu a abarrai scidu
torrendi de cabu frasca giai de meda scurigau
ca invecis de essi stracu deu seu sempri prus infogau
no eus mai a smiti de ddu nai e de ddu scriri
finzas a candu eus a c-mprendi ca su logu est de chini ddu bivit

[ritornello]
spàrat s’esèrcitu italianu, spàrat sa nato
israeli, in su monti e in su pranu

[strofa 4]
no m’apu a scarèsci facilmenti cussu sàbudu, castiendi de su cùcuru, tantu giai femus pagus! unu pòpulu chi innoi bolit sceti bivi lìberu, eus scritu una pàgina, tòcat a scriri unu lìburu

[ritornello]
spàrat s’esèrcitu italianu, spàrat sa nato
israeli, in su monti e in su pranu
spàrant apitzus de unu nuraxi, c-menti ddis praxit
aundi bolleus bivi in paxi
abrùxat totu su demàniu, abrùxat s’uràniu e su fòsfuru biancu americanu

- dr drer crc posse

كلمات أغنية عشوائية

كلمات الأغاني الشهيرة