a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dj lethal skillz - my nation (feat. boikutt) كلمات الأغنية

[المقدمة (عيّنة غنائية)]

بمحبتنا لو منعيش، لو منعيش, لو منعيش x ٣

بتحلى ليالينا أكتر

[مقاطعة (من رام الله أندرغراوند)]

[مقطع ١]
عروبة أجنبية

صحافة غير حيادية

ديموقراط_كتاتورية إعلامية

توحيد آراء الاختلافات صحية

أجندة الربح والمقاومة إرهابية

عم بيصنعو ثقافة

من دراسات

نفس الموسيقى ونفس اللبس ونفس الأكلات

بالدعايات

بروح الفكر لبعيد

كل واحد خايف من التاني

وبينخلق مجتمع مريض

بس خلّيك اشتغل عنّا آخر الشهر خود معاش
وإرجع إشترِ الّلي صنعتو

يعني بشتغل ببلاش

بس يلّه

عل قليلة شغّل حالك

بفرجوك ناس بوضع ما بيخطرش عبالك

بس مش عشان تحِّس

عشان تفكر حالك في النعيم

ناس خط الفقر فوقهم مستقيم

عايشين ومش عايشين عل الأرض

بس في الجحيم

فلأ بما أنه هيك

وضعك في السليم

[كوروس (hook)]

وين راسك، وين ثقافتك، احتلّوا قارتك

اتمسّك بالأساسات قبل ما يغتالوا العادات

x ٢

[مقطع ٢]

إنتاج شامل، منتج كامل، مستهلك هامل

عم بتسهل عمليتهم بس بشو بتآمن؟

شامم ريحة مؤامرة في الجو

بس تفتحش تمّك بكلمة بلاش يجيك “العوّ”… ها

رقابة في كل مكان معلوماتك منتشرة

لاهيينك ب”هيد آند شولدرز” وكيف تخلص من القشرة

عشان تزبط البنت من المسلسل

اللي همّه بيبنو سلاح بتخلّي الأرض تزلزل

وين راسك وين ثقافتك

محتفظ فيهم تخدم الرأسمالية بشارطك

ما هيهم ببنوا مكاتب عندك في حارتك

احتلّوا قارتك وهيّك شايف العالم من خلال نضّارتك

ماركات علشاشات وعلواجهات

تمسك بالأساسات قبل ما يغتالوا العادات

بتدفع ثمن بس تغيير السرعة عالزمن

منتراكم بدل ما نكون في الشارع متل اللمم

[كوروس (hook)]

وين راسك، وين ثقافتك، احتلّوا قارتك

اتمسّك بالأساسات قبل ما يغتالوا العادات

x ٢

- dj lethal skillz

كلمات أغنية عشوائية

كلمات الأغاني الشهيرة