a b c d e f g h i j k l m n o p q r s t u v w x y z 0 1 2 3 4 5 6 7 8 9 #

diviy lyrics

بعدني اكتب عنهم وبعدني اسمع تهديد
بعدني اكتب بقوه عمري ماحس بتقييد
كلولي سولف رايك والك مطلق الحريه
لكن العكس تماماً لساتهه دكتاتوريه
انا لسان الشعب الجايع و المسلوبه كل حقوقه
والي يطالب ب انفاسه لانو اصبحت مسروقه
منو الي بينه معارض لمه الضدكم اغلبيه
ومنو الي يحرظ على فتنه حسب الديمقراطيه
ابداء الرأب العام بنظركم اصبح جريمه
لان الصوت الي يتعالى بالسياسه خط هزيمة
ف القلم الي يكتب فضايحكم كسرو عضامه
والي يقتل ولد بلاده لاتنفذون حكم اعدامه
ملينه من خططكم جازيتونه بس بخيبه
وسفه ابن العراق اليوم ابين الدول من دون هيبه
راح ابقى اكتب بيكم حتى لو التهديد ازداد
وراح ابقى معارض ثابت واكشف زمره الفساد

نفس اللحظه الي طلبوني اعتقلوني الامن العام
والسبب اثاره جدل داخل منظومة الاعلام
كانت عيني مسدوده على طول كل الطريق
ولما فتحت عيوني داخل غرفه التحقيق
خله عينه بوسط عيني وكان يحاول التمويه
لكن اول كلمه كالها بررلي الجاي تسويه
وانا بكل برود اعصاب جاوبت كلت كتابه
كلي من اسأل سؤال لاتختصر بالاجابه
بدا يلف يدور ويايه حتى يجرجر الكلام
بس فقد اعصابه بسرعه ف قرر الاستسلام
جوال رن عليه نفس البنت الهددتني
ويكلها شكرا جزيلا الرساله ساعدتني
صرخت انا بوقتها حتى الجنت احبها ضدي
لكنه طلعت زوجته وكانت تحذره من عندي
بقى مصدوم الظابط بس احواله مو موزونه
كان يفكر انو مرته ويايه كاعد تخونه

حاولت ابرر للظابط انها حبيبتي القديمه
لكنه رفض يسمعني كانت عواقب وخيمة
بدا يطلع قضايا وينسبها فعلياً ب اسمي
حتى يتخلص من عندي ينتقم بشكل رسمي
انتهاك حرمه دوله زائد كتابه الاسباب
تنظيم مضاهرات وحرق مباني الاحزاب
متاجره سلاح والتستر على الارهاب
والعبث ب امن الدوله زائد حث ع الانقلاب
ختم كل القضايا على كد ما يستطيع
” شكراً لاعترافك ليه ممكن تتركلي توقيع ”
حاولت اعتذر منه واطلب من عنده السماح
لكني بسجن مؤبد تحت تهديد السلاح !!

- diviy

Random Lyrics

Hot Lyrics