a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dawsha - sama beha gheyoum | سماء بها غيوم كلمات الأغنية

sama beha gheyoum | سماء بها غيوم lyrics
[المقطع الأول]
غدر، قاسية، ملعون أبوها الدنيا دية
راحت العيشة الهانية
أيام طفولتي كنت بشوفها زي السما الصافية
دلوقتي بخرجلها بالعافية
حابس نفسي ومكبوت، ضرب، شرب
صوتي محدود، حلمي مخمود
وأنا لنفسي مكتف نفسي ومربوط
مش عارف مين بيموت
يا عم كلنا هنموت
هموت؟ طب لما أموت هتفتكروني
هتقولوا دوشة في يوم نزل دموعي
هتسأل من غير ما أغني
هتعرف حاجة عني
ما أنا قصة من كتاب مفتوح
كام دمعة في عينك مجروح
ما أنا عارف بس من مين
من صاحبك ولا من حبيبك ولا من قريبك
ولا من أعز الناس اللي في الوحدة يسيبك
ولا أهلك ولا عيشتك ولا إيه ولا إيه
بنسأل ألف ليه وليه

[اللازمة]
ما الدنيا زي لعبة البازل تتركب
يا تسلك معاك يا تمشي بالمشقلب
طب هقلب وهسيطر على الدنيا
ضحكة أمل، العيشة صعبة وفانية
الدنيا زي لعبة البازل تتركب
يا تسلك معاك يا تمشي بالمشقلب
طب هقلب وهسيطر على الدنيا
ضحكة أمل، العيشة صعبة وفانية
[المقطع الثاني]
عايش ومش بفكر غير في اللي كان
ياه على أيام زمان
أيام لما كنت في حضن أمي ومش محتاج لحد
أيام أما حبيبتي وقفت جامبي بجد
والإتنين كان مصيرهم التراب
عزلت نفسي أشرب في السراب
خرجت بصيت على الدنيا لقيتها وسخة
دي عالم نجسة، أكتر من مشهد أكتر من حادثة
أشوف فيها قله أمانة وإنسانة تلعب بمشاعر إنسان جبانة
غدر وخيانة
ولا رحمة ولا حد بيحس بالناس الشقيانة
واللي عنده بدل البالوة ألف
واللي ماشي في الشارع يضرب كف على كف
والبلد مقلوبة والأيام محسوبة
هنموت وما حدش هيفوق من الغيبوبة
البنت بقيت مجرد سبوبة
والواد بقيت حياته معيوبة

[اللازمة]
ما الدنيا زي لعبة البازل تتركب
يا تسلك معاك يا تمشي بالمشقلب
طب هقلب وهسيطر على الدنيا
ضحكة أمل، العيشة صعبة وفانية
الدنيا زي لعبة البازل تتركب
يا تسلك معاك يا تمشي بالمشقلب
طب هقلب وهسيطر على الدنيا
ضحكة أمل، العيشة صعبة وفانية
[المقطع الثالث]
شفت فيكي كتير، عشت أيام آسير
محبوس زي الطير ولا عارف أعيش ولا عارف أطير
كتير يا دنيا أشوف الفرحة
نفسي أشوف إبتسامة حبيبتي وهي بالطرحة
نفسي يوم من أيامك يرجع
نفسي أحس إني مش بدمع
دموعي مالية يا عيوني مش قادرة تخرج
والناس بتقسى عليا ومش لاقي لنفسي مخرج
محتاجك جمبي، بس مش عارف أطولك
بسهر وأفكر فيكي، من غيري هينولك
طب إنتي حاسه بيا
ساكتة ومش بتردي عليا
أنا مش قادر، أنا بتعذب، أنا بموت
مش شايف غيرك
مش سامع غير نفس الصوت
لحظة سكوت
كلنا هنموت
طب نفسي أموت وأشوفها هبقى مبسوط
هصرخ بعلو الصوت
فينك يا أحلى من الورود

- dawsha

كلمات أغنية عشوائية

كلمات الأغاني الشهيرة