![kalimah.top](https://kalimah.top/extra/logo.png)
danú - ar maidin inné dom lyrics
[verse 1]
ar maidin inné dom is déarach a bhíos_sa
go cathach im aonar ag déanamh mo smaointe
do dhearcas ag pléireacht go haerach im thimpeall
an eala ba shéimhe, ba chaoimhe, ba chaoine
do phreabas, do ritheas, do dhruideas ‘na comhair
do mheasas, do thuigeas nár mhiste dom’ shórt
a blaiseadh go milis in imeall a beoil
le taitneamh, le gile, le finne na hóighe
le maise, le glaine, le binne mo lóchrainn
[verse 2]
ba ghleannmhar, dréimreach, néamhrach, fraínseach
a carnfholt craobhach ‘na slaodaibh ag síneadh
go bachalach, péarlach, go réaltach, go soilseach
go camarsach craobhach, go néamhrach aoibhinn
ag feacadh ‘s ag filleadh ‘s ag sileadh ‘na deoidh
‘na mbeartaibh ‘na sruithibh, ‘na muirear go feor
go haltaibh, go huillinn, go frithir i gcomhad
go slamrach, comaireach, umarach, órga
‘na sraitheanna ag titim go himeallach ómrach
[interlude]
[verse 3]
“más carraig in éifeacht tú, i gcéill ‘s in intleacht
i bpearsain, i mbréithre, id ghné is id ghníomhartha
aithris dom féin sin i réimeanna ríora
a chara, an tú hélen, nó deirdre naoise?”
d’fhreagair an bhruinneall i ndlithe gan mhóid
“nach aithne duit mise anois, buime na dtreon
a bascadh, a milleadh, a cuireadh thar m’fheoir
le dalladh, le daille, le buille na gcóbach
a mhalartaigh mise le duine gan chóngas?”
[interlude]
[verse 4]
[?]
[verse 5]
“más cara duit séarlas mac shéamais, a ríoghain
is gairid go dtéarnaigh thar tréanmhuir dod choimhdeacht
le gasra de ghléirchatha gaelach, dea_ghníomhach
ag sealbhadh id shléibhte, id chaotha, is id choillte
ag treascairt gan tuisle le tuinseamh na dtreon
ag teascadh na droinge d’fhág sinne fé bhrón
go gcaithfid _ go gcluinfir le fuinneamh na sló _
a gcathracha cumais atá tuilte de sheoda
a thabhairt ar choimirce do chumainn ‘s do choróineach”
[outro]
كلمات أغنية عشوائية
- siouxsie and the banshees - i could be again lyrics
- siouxsie and the banshees - hang me high lyrics
- siouxsie and the banshees - follow the sun lyrics
- siouxsie and the banshees - dizzy lyrics
- siouxsie and the banshees - coal mind lyrics
- siouxsie and the banshees - blue jay way lyrics
- siouxsie and the banshees - b side ourselves lyrics
- siouxie and the banshees - the sweetest chill lyrics
- siouxie and the banshees - thumb lyrics
- siouxie and the banshees - the ghost in you lyrics