a b c d e f g h i j k l m n o p q r s t u v w x y z 0 1 2 3 4 5 6 7 8 9 #

dak & pipo (dz) - bledi lyrics

[المقطع الأول: داك]
بلادي الزينة اليوم وليتي حزينة
ولادك عايشين في غبينة
قداه من ولد كلب لعبو بيك ولعبو بينا
وين بيها؟ البلاد مدايها الواد وحنا نشوفو بعينينا
حيوانات يا عطاوهم كراسا
شايخين بإسم السلطة والرئاسة
قلبو البلاد سوق وهوما فيها البزناسة
ما بقاتش démocratie ولات اسرق وطراسي
وكون تهدر على حقك تتنفى ولا تباصي
وهوما فسدوا غدروا
صوارد الخزينة والبطرول طاروا بيهم للـ suisse
وهربوا البلاد، حبو يقسمو الفتنة زادو شعلو
الزوالي عفسو عليه، داولو حقو
وليجان اكل ام كرهو
نصهم ورا الفلوكة اصحايبي هربو
كاين لي ماتو وكاين لي وصلو
فالغربة حبو يجربو، في بلادهم ياسر اتحرقو واتحطمو
في بلادنا تشوف الفقر، تشوف الظلم، تشوف الدولة حڤارة
المعيشة غالية والدنيا غدارة
الحباس معبية وليجان حياتها قبيحة
هكاك خسارة في خسارة والدولة في كل مرة تقلي فينا أمارة
عايشين فالـ désespoir
عايشين في بلاد الـ mademoiselle تخدم في bureau وحنا مطيشين فالـ trottoir
c’est trop tard دورو لا لقد ما مد حتى دورو مين حا يجينا
مام الزطلة ولارطان لي يجيبو فيها حكمت فينا
صحايبي لهنا كي لي قرا، كي لي ما قراش، خدمة ما لقينا
من الشوفات تعمينا ومن الڤعدة تاع الكارطي ديڤوتينا
ايا ڨولي شكون لي حاسس بينا ؟
[المقطع الثاني: بيبو]
العيشة مرة، محصورة في هاد البلاد
الحياة ثڤالت عدنا نبانو فيها بعاد
ليجان تطاسي من chômage والڤعاد
بلاد الخير عاد يحكمو فيها دواب
العوام عدات وحنايا ڨاعدين pause
صحاب la licence هوما يعطيوك la réponse
نكملو القراية بص الخدمة aucune chance
عطاوها منا سربي وزيد فـ la dose
ڤاعد فالكارطي والحرڤة ديما في بالو خو
مي سي نورمال بلادو ما دارتلو والو خو
حاب يقلع و مخو ديمارا محتار
ما دهش مريسكي خايف لا يبكي تاع الدار
بلا ما يحلم ديما عايش في cauchemar
اقرى وهبل كلاساوه مع les clochards
حاب يفونسي في ودنو كلمة باباه
نحبك راجل ولدي تركع غير لله
قتلو الفيد ديما كاره من التحراق
مي سي نورمال بوساوه باه ولا سراق
ولاد بلادي si bon الدولة لعبت بيهم
خدمولهم كاجة و les menottes في يديهم
شكون لي حاسس بيهم، الحباس تلاڤي فيهم
ربي يصبر والديهم، ولاد الكلاب لعبو بيهم

- dak pipo dz

Random Lyrics

Hot Lyrics