claude le jeune - psalm 2 lyrics
pourquoy font bruyt, et s’assemblent les gens?
quelle follie à murmurer les meine?
pourquoy sont tant les peuples diligens
a mectre sus une entreprise vaine?
bandez se sont les grands roys de la terre
et les primats ont bien tant presumé
de conspirer, et vouloir faire guerre
touts contre dieu, et son roy bien aymé:
disants еntre eulx desrompons, еt brisons
touts les lyens dont lyer nous pretendent:
au loing de nous jectons, et mesprisons
le joug, lequel mectre sur nous s’attendent
mais cestuy là, qui les haultz cieulx habite
ne s’en fera que rire de là hault
le toutpuissant de leur façon despite
se mocquera: car d’eulx il ne luy chault
lors s’il luy plaist, parler à eulx viendra
en son courroux (plus qu’aultre espouventable)
et touts ensemble estonnés les rendra
en sa faveur terrible, et redoubtable
roys, dira il, d’où vient ceste entreprinse?
de mon vray roy j’ay faict election
je l’ay sacré, sa couronne il a prinse
sur mon tres sainct, et hault de sion
et je (qui suis le roy, qui luy ay pleu)
racompteray sa sentence donnée:
c’est qu’il m’a dict: tu es mon filz esleu
engendré t’ay ceste heureuse journée
demande moy, et pour ton heritage
subjects à toy touts peuples je rendray:
et ton empire aura cest advantage
que jusqu’aux bords du monde l’estendray
verge de fer en ta main porteras
pour les dompter, et les tenir en serre
et s’il te plaist, menu les briseras
aussi aisé, comme ung vaisseau de terre
maintenant donc, ô vous et roys, et princes
plus entenduz, et sages devenez:
juges aussi de terres, et provinces
instruction à ceste heure prenez
du seigneur dieu serviteurs rendez vous
craignez son ire, et luy vueillez complaire:
et d’estre à luy vous resjouyssez touts
ayants tousjours crainte de luy desplaire
faictes hommaige au filz, qu’il vous envoye
que courroucé ne soit amerement:
affin aussi que de vie, et de voye
ne perissez trop malheureus_m_nt
car tout acoup son courroux rigoreux
s’embrasera, qu’on ne s’en donra garde
o combien lors ceulx là seront heureux
qui se seront mys en sa saulvegarde!
كلمات أغنية عشوائية
- knapsack 2 - out of the city lyrics
- alkohol republik feat. retsudagodking - george jetson lyrics
- трувонт (truvont) - гниёт (rots) lyrics
- nocera - i want u now lyrics
- omen noise - espíritu lyrics
- lud foe - composure lyrics
- padla bear outfit - utka-chelovek lyrics
- timor ysf - puto g lyrics
- the mars volta - whisper to your flinch lyrics
- beli remour - aves lyrics