a b c d e f g h i j k l m n o p q r s t u v w x y z 0 1 2 3 4 5 6 7 8 9 #

begad - بيجاد - mesh zay zaman - مش زي زمان كلمات أغنية

[اللازمة]
ياه، لو فات كتير
عايز أبقى أحكيلك بالتفاصيل إيه اللي داير فيا، ما بشتكيش
بس للأمانة واحشاني العزيمة اللي كانت فيا
مش زي زمان، بهرب مهما بهرب والحقيقة إني واحد تاني
صراحة مش بستغرب ليه الهزيمة حتى مش فارقالي؟

[المقطع]
حب خداع، طاير بجناح، مكسور فيا الشظايا
يا عباد الله، إنجدوني
في بلاد الله، وسط البراح بيتوه طيف الصبايا
وردة دبلانة، صورة مهزوزة، نفسي هلكانة
واحشاني إبتسامتي القديمة أيام ما كنتي معايا
كان في سكينة، راحت لما إنتي قلتي “مع السلامة‫”
أحلفلك بإيه إن اللي ظاهر مني تمويه؟
بلاش لو ده اللي فاضل مني تاخديه
المفروض دلوقتي أصطاد القرش عشان مين؟
ما فرقتولي شمل العيلة اللي ببنيها
رفعت الراية، مستخبي بعد الخسارة من نفسي فترة طويلة
روحي حيرانة، ما أقدرش أواجه نفسي
باصص ورايا في مرايتي مع إني باصص فيها، آه
يا أوباش، يا كلاب، دي جت في قلبي، إزاي بتقولوا الحمد لله مش في الإزاز؟
آه، أدفعلك كام يا دنيا وأرجع نفسي تاني؟ أنا إتغيرت عن زمان
‫(ووه) خسرت إخواتي وخسرتك، عادي، في حاجة ماتت فيا (ووه)
واحشيني إخواتي وإنتي واحشاني، بس حال الدنيا
[اللازمة]
لو فات كتير
عايز أبقى أحكيلك بالتفاصيل إيه اللي داير فيا، ما بشتكيش
بس للأمانة واحشاني العزيمة اللي كانت فيا
مش زي زمان، بهرب مهما بهرب والحقيقة إني واحد تاني
صراحة مش بستغرب ليه الهزيمة حتى مش فارقالي؟

- begad بيجاد

كلمات أغنية عشوائية

كلمات الأغنية الشائعة حالياً