a b c d e f g h i j k l m n o p q r s t u v w x y z 0 1 2 3 4 5 6 7 8 9 #

baze - schtoub كلمات الأغنية

[verse 1]
verfluecht sig dä morge woni bi ufgwacht u müesse feststeue i ha ke gaffée me
wohne sit jahren im ne block im dritte stock woni no nie ä nachbar ha gse
nume ghört we si obe möbu verschiebe bis der putz vo der deli gheit
ihri schreie we si öfters stritte, ihres rhythmische stöhne, ihres quitschende bett
au losä gärn luut musig, di glichi musig win ig
songs woni nid kenne vo obe, songs us mire jugend vo däm unger mir
am abe dringen us der türe intensivi grüch, mir choche mit de gliche gwürz
chöme hei zu ähnleche zyte, doch gseh immer nume no händ wo ads gländer griffe

[bridge]
i kenne niemer ussert mi
i kenne niemer ussert mi
mi

[verse 2]
verfluecht sig dä tag woni bi ufgwacht u müesse feststeue i ha ke gaffée me
lüt a der tür e stock witer obe, numen in boxershorts und adilettä
eine hueschtet, fluecht lisli i sech ine
woner uftuet meine mer beidi mir spinne
är gseht us wie ig i zwänzg jahr
so wie ig nid wott si i zwänzg jahr
u werum steit mi namen uf dim namensschiud?
bitte chläpf mi, säg mer dasi am schlafe bi
stattdesse chlepft är mir d’tür vor der nase zue und i stah da wie ä [?]

[bridge]
i kenne niemer ussert mi
i kenne niemer ussert mi
mi

[verse 3]
verfluecht sig dä tag woni bi ufgwacht u müesse feststeue i ha ke gaffée me
e stock witer unge hockt mini ex, lut schluchzend a ne wand glehnt
u mis ig vor zäh jahr macht irgend e szene
ä witeri szene wäge nüt
si geit id wohnig, packt ihri chleider u dä idiot seit nidemau tschüss
drum verfluecht sig dä tag woni bi ufgwacht u müesse feststeue i ha ke gaffée me
bi e witere stock abe ga lüte, da öffnet mi vater mit mir uf den arme
hei beid so müessen afa lache dasi bi rückwärts d’träppä z’derabgschtürzt und im parterre glandet wo mini muetter mit mir im chinderwage dür d’huustür chunnt (i muess usen a di früschi luft)

[bridge]
i kenne niemer ussert mi
i kenne niemer ussert mi
mi

[chorus]
a gwüssne tage zündi mis huus aa
u lösche der brand immer churz bevor d’schmier chunnt
a gwüssne tage zündi mis huus aa
u lösche der brand immer churz bevor d’schmier chunnt
i wott nid gseh wies zu schtoub wird (schtoub, schtoub)
i wott nid gseh wies zu schtoub wird (schtoub, schtoub, schtoub, schtoub
schtoub, schtoub, schtoub, schtoub, schtoub, schtoub)
i wott nid gseh wies zu schtoub wird (schtoub, schtoub, schtoub, schtoub)
a gwüssne tage zündi mis huus aa
u lösche der brand immer churz bevor d’schmier chunnt (schtoub, schtoub, schtoub, schtoub, schtoub)
a gwüssne tage zündi mis huus aa
u lösche der brand immer churz bevor d’schmier chunnt (schtoub, schtoub, schtoub, schtoub, schtoub)

- baze

كلمات أغنية عشوائية

كلمات الأغاني الشهيرة