basim karbalaei - banat al nabi كلمات الأغنية
گومن بنات النبي خيطن خيمچن عبي
هاي الزلم ما تضل باچر وراچن سبي
“”””””””””””””””””‘
يالله استعدن لباچر هالليلة كلش گصيرة
باچر زلمنه تسافر كلمن يروح المصيره
انسن دلال الهواشم انسن صفات الأميرة
كل وحده تلزم طفلها لوذن اسيره ابأسيره
و بسرعة كون المشي احنه نسه و نختشي
لا يبقى عدچن أمل باچر وراچن سبي
“”””””””””””””””””””
من هسه خلي نفكر لمن تصير المسية
ليلى تحامي رقية و آني عليه البقيه
من الشمر يعتنيني لا لا تطيحن عليه
خلني وحدي لسياطه لمن يگطع اديه
باچر سياط الهظم خل تنزل اعله العظم
خلّي ابشر الكفل باچر وراچن سبي
“””””””””””””””””””””””
ما ظل وكت يالحراير باچر تسافر زلمنه
باچر غطانه سحابه. ناتج مداخن خيمنه
صيرن درع يا خواتي و آني اشيلن علمنه
احنه ثكلى و أرامل بالغربه من يحترمنه
نصبغ وجهنه بدمه. حتى العدو انوهمه
كلشي صفه محتمل باچر وراچن سبي
“”””””””””””””””‘””””””‘
لا لا تلفظن أسامي —– خاف العدو يكتشفنه
يبقى يسب بالغوالي —- يعرفها نقطة ضعفنه
كل غالي باچر نتركه — ماكو أهم من شرفنه
و اللي يطمئنه باچر ——كلش قريبه نجفنه
باچر حرب تستمر بين الخدر و الشمر
واقع صبح مو مثل باچر وراچن سبي
“””””””””””””””””
شوفن وجوه الغوالي ساعة و حفظن علايم
يختلف باچر شكلهم لمن تطيح العمايم
جثه تطيح إعلى جثه تلتم جسوم الهواشم
رمله يليلى تحيرن منهو علي و منهو جاسم
كل الجثث تنسحگ تتگطع و تفترگ
انسن عتاب الأهل باچر وراچن سبي
“”””””””””””””””””””
مهد الطفل خل نبعده شوفوله خيمه بعيده
رمله بعد لا تهلهل شمع العرس ما نريده
لمن تشوفن كفيلي لحد تباوع لإيده
و ابن أمي باچر نشوفه سيف اليمزگ وريده
خل ننظر لرگبته وكت الظهر ذبحته
ودعنه بس بالعجل باچر وراچن سبي
“””””””””””””‘
من هسه صيرن سبايه و آنه الحرس و الكفيله
اتعلم اعلى الحراسه ما ظل وكت هيه ليله
ما نشتكي من ألمنه من يسمع و نشتكيله
أدري علينه صعوبه قصه سفرنه طويله
باچر زند ينبتر باچر ظهر ينكسر
ع الشاطي يوگع جبل باجر وراجن سبي
“”””””””””””‘”””””‘
لو وحده باچر ولوها لازم تخف إبمشيها
خلها تنادي يزينب اعليه تأشر بديها
حتى ايعرفني و يجيني بلكت بعد ما يجيها
اختك يراعي الكفاله كلها تدور عليها
يا ويلي وكت الظهر يرجعلي خالي المهر
أعرف آخويه انچتل باچر وراچن سبي
كلمات أغنية عشوائية
- r.i.e - bend it over كلمات الأغنية
- rambo - shine كلمات الأغنية
- cheap trick - brand new name on an old tattoo كلمات الأغنية
- marvin muzyka - nadinterpretacja كلمات الأغنية
- fvst - placo gang كلمات الأغنية
- breeze brewin - in control كلمات الأغنية
- lyrical sound dealers (l.s.d) - brown pride كلمات الأغنية
- d. green - get 'em up كلمات الأغنية
- toteking y shotta - bloc de espiral كلمات الأغنية
- ninguemdasilva77 - noite em ssa (remix) كلمات الأغنية