![kalimah.top](https://kalimah.top/extra/logo.png)
bap - miss samantha's exclusiv-discount-jeschenkboutik lyrics
[verse 1]
om eezte stöck der vringsstrooß, zwesche kirch un clodwigplatz
hätt vüür ner woch ne mörderschoss ne laade opjemaat
en kreuzung zwesche drittweltlaade un gruselkabinett
wo mer präsente kaufe kann, dämm dä schon alles hätt
die frau heiß helga helmes un se weiß, wat kundschaff trick
en miss samantha’s exclusiv-discount-jeschenkboutik
[verse 2]
em enjang stonn lenin un marx uss coladoseblech
vüür nem neuschwanstein- panoramateppich, made in bangladesh
et jitt ne pseudo warhol siebdruck met vier che guevaras drop
un en moschino ledderjack met nem pailette – duudekopp
ne latex-tamagotchi, lebensgroß, mit king size d-ck
en miss samantha’s exclusiv-discount-jeschenkboutik
[verse 3]
ilona christen als grunge – barbie em s/m – outfit
wirb für en sh-ll-atlas-anthologie vum literarischen quartett
zum esoterik-almanach, en ir’ndner art vun jugendstil
kritt mer ömsöns ne autoaufkleber, wo drop steht: i love sylt
ne tarantino-breefbeschwerer: koppschöss en aspik
jitt et en miss samantha’s exclusiv-discount-jeschenkboutik
[verse 4]
un en versicherung beet re-inkarnations-konzepte ahn
je noh police wööt mer’n kakerlak oder ‘ne aga khan
ewigen frieden ( vollkasko!) met’ner jeld zoröck – jarantie
kritt mer en miss samantha’s exclusiv-discount-jeschenkboutik
[verse 5]
t’jitt für nostalgiker he boxershorts met prilbloomedekor
un och en video-serie övver’t nit jejovvne wembley-tor
en puddingform em ying un yang-design, e handy uss taiwan
dat sich met “candle in the wind” un noch vill schlemmrem melde kann
ahnscheinend jitt et lück, die finge desert-storm tarn-t-shirts schick
die kritt mer’n miss samantha’s exclusiv-discount-jeschenkboutik
[verse 6]
em sonderanjebot hätt miss samantha’n cd-edition
do kritt mer alle zappa plaate en ‘ner kuschelrock-version
die schlümpfe spille s-x pistols oder wohr’t ömjedrieht?
un als die krönung: techno, vun dä drei tenöre intoniert
ok, ich mein dat leed wöhr lang jenooch et weed jetz höchste zick
samantha will met mir’n die disco, wo’t hück karaoke jitt
كلمات أغنية عشوائية
- psychic tv - godstar lyrics
- puffball - salt tongue lyrics
- public announcement - lonely lyrics
- psychostick - the hunger within lyrics
- q5 - pull the trigger lyrics
- punish yourself - primitive lyrics
- pumpkinhead - rock on lyrics
- pure prairie league - give us a rise lyrics
- punch - fuming lyrics
- punkles - hey jude lyrics