balti - soghri ana كلمات الأغنية
الحكاية بدات بضبط أفريل عام ثلاثين
جيت للدنيا نبكي بين ضحكة الوالدين
كبرت و تربيت وتعلمت نقول حروف
مرة ضحكت مرة بكيت مرة كليت الحلوى ومرة كفوف
مازلت كيف جديد المخ نظيف
كيما إليوم الدنيا ربيع ما فيبالشي غدوة تولي خريف
أول ما جيت البو يحمل والام تبوس
مازالوا معنديش ضروس حتى يطلع فيها السوس
صغير ودلول مرة ملايكة ومرة شيطان
ما نعرفشي الحرام مازلت بالدنيا فرحان
نعرف الشر كان في الكوميك و في الافلام
ما نعرفشي إلي الشر كيما الخير مخبي مع لايام
لعبنا كرة لعبنا بيس و زربوط
كتبنا على مراولنا بالستيلو نوامر جوورات الفووت
كنت طويل ديما نمركي بالراس
في حومتنا ما لعبنش تنيس كيما بيت سامبراس
سرقنا الغلة من ديار الجيران
عرفنا اللي السرقة حرام هذا اللي جا في القرأن
مازلنا صغار ومازالت الدنيا بخير
حلمت كي نكبر نولي أستاذ طبيب ولا مدير
قلوبنا صغار أما قلوب بيض ونظاف
بابا كي يحكيلي على جهنم و الجنة نفرح أما نخاف
تعلمنا نطيعو والدينا نمدو أذنينا للكبار
تعلمت نكون مرة عاصي ومرة بار
عرفنا الدين هو الاسلام كي نسلم نقول السلام
نصدق و ما نكذبشي كي نقول كلام
مشينا نصليو كي سمعنا حي على الفلاح
والدينا فرحوا بنا قالوا ولادنا مالصلاح
صغري أنا
l’enfance qui a p-ssé
avec les jours j’ai tellement envie
de retrouver l’amour que j’ai perdu
عمري أنا
des souvenirs qui sont p-ssés sans retour
sentiment que j’ai tout perdu, ça fait mail et je l’avoue
مشينا نقراو و عرفنا غصرة الامتحان
الابتدائي تعدى كادوات النجاح العام ورا العام
صغار تعاندنا شكون يجيب أحسن لاعداد
شكون يجيب الشهادة شكون فينا غدوة مستقبل لبلاد
كنا نقراو خريف وشتا. شتا و خريف
بش كي ننجح بابا يخليني نمشي للبحر في الصيف
الصيف يتعدى بين الحومة و البحر
في القوايل تعاركنا حومة كونتر حومة بالحجر
مرة مدموغ مرة طايح مرة مضروب
مرة غالب مرة مغلوب مرة هارب من كلب مكلوب
مرة ضحكت كي تفرجت في شارلو
مرة بكيت كليت طريحة بش ما عادش نتشعبط في البوتو
تسعة وثمانين عمري تسعة سنين
نحب نعمل شعري بالجال نلبس سيني اديداس و دجين
مازلت صغير أما نحب نعاند الكبار
نمشي لديسكوتيك كما خويا و نولي سهار
حبيت مزيكة الكحالش الامريكان
نحب نفهم لكلام وليت نتنفس راب مع لكسجن
صدقني نضحك كي نتذكر ليامات
بابا ما يعطنيش فلوس نولي نمشي نسرق كستت
من إم سي هامر لسنوب دوغي دوغ
هيب بوب هردكور متع لانسيان إيكول
نسرق و نخبي لين مرة تشديت
كليت الكف بكيت كي سيبني سبيتو و هربت جريت
عمري حدعاش سنة جيغا نوم دي كود
لبست دجين بوغار وقتلي كان ألا مود
لبست كليت حزين فرحان
كبرنا مع لايام وكبر معنا الشيطان
خذيت السيزيام دركسيون لليساي
برميار انيي عاودت وراها برميار انيي
كنت نقطع مل لقراية ونجيب سرتفيكا
صحابي تقرا في الكلاس و انا فين في السينما
مرسكي في الكار دركسيون سنتر فيل
في المرواح دركسيون حومتي قبل ما يطيح الليل
فاقوا بي الدار كليت الضرب لين فديت
جاني جواب مل لساي عشرين يوم ما مشيتش قريت
ثلثاش سنة عمري غرامي ولا سبور
باسكت بول شاكيل أونيل مون ايدول
تعلمت نشوط ندريبل ونحط الكرة في الباني
خمستاش سنة واللي نزمتشي سون بيتي
سبورتيف شامبيون في الباسكت
الانتوراج ما يشجعشي عطاني ماديل دور في الفساد
تكيفت و أنا صغير سيغارو مع كل بوز
الدنيا كحالت من الدخان ملي كنت نشوف الدنيا روز
ولينا شلة وحدة أنا و أصحاب السوء
الهملة و الفساد زيد السرقة من السوق
الراس فوق لكتاف رزن مل لالكول
أصحابنا تقرا في العلوم و احنا نشمو في شكاير الكول
وسخت كتاب نظيف لين جاء الصيف
جاتني اخر بلتان في حياتي مطرد دفنيتيف
لايام جرات صغري بقى ذكريات
إليوم فما ندم إليوم فما حسرة علي فات
سامحني أمي سامحني بابا ولدك طاش
سامحني ربي إذا عبدك ما طاعش
ستة و عشرين صغري وفا في العشرين
إذا إليوم الفم يضحك أعرف راهو القلب حزين
(end)
كلمات أغنية عشوائية
- franco escamilla - fe كلمات الأغنية
- meysam ebrahimi - khatereh كلمات الأغنية
- feather - supercut كلمات الأغنية
- cuarteto gelc - dame padre de tu bendición كلمات الأغنية
- seventh day slumber - found كلمات الأغنية
- keebomb - redman كلمات الأغنية
- osii g - twende kazi, never let you go كلمات الأغنية
- ah! mr. dan - seja bem vinda كلمات الأغنية
- the sounds - the darkness كلمات الأغنية
- takagi & ketra - l'esercito del selfie كلمات الأغنية