a b c d e f g h i j k l m n o p q r s t u v w x y z 0 1 2 3 4 5 6 7 8 9 #

balti - بلطي - meskina كلمات الأغنية

غرو بها لعبوا بها أصحاب السوء
زيد زادو باعوا و شراوها كلاب السوق
كانت صغيرة و صبية كانت أحلى مافمة
كانت الحشمة و الزين حورية م جنة
الام و البو مطلقين كل واحد في حالو
صغيرة حلت عينها من شرفها نالو
مع اللي غر بها مشات بنية و قلب يحب
لعبله عل أحاسيس فال لخر كذب
بالنسبة لها كان هذاكة فارس لحلام
يعوضها عل حنان اللي فقدت مع ليام
وعدها بالهن و معها يكمل حياتو
بالكذب بنيلها قصر مل أوهام فيه يباتو
ولات تشوف في الدنيا كان في هو و في ربي
فرحانة باليوم متعرفشي غدويكة شمخبي
مخبي ذيب متنكر مازال ماوراش أنياب
العين مازلت مبكيتش و لقلب مذقش عذابو
ما نصحها حتى حد قاللها رد بالك منو
إنتي صغيرة و هو ذيب يخلي لرنب بدمو
مالقاتش اللي يواريها شكون إل سئل عليها
مشات في طريق ضلام و ليوم الدمعة في عينها

فارس لحلام هرب بيها و المرل صفر
قلب حزين يبكي داخلني كاتم السر
ولات تشوف في الدنيا شوك ملي كانت نوار
ورقة بضة تكبت عليها …… حبار
الام ليوم شنية باش تحكي شباش تقول
ضاعت بالتخمام تشوف في المستقبل مجهول
بالنسبة ليها أغلى حاجة ضاعت من يدها
شرفها اللي حبت بيه ترفع ريوس امالها
الام حست بالي لبنية ماهيش لباس
و البنية كتمت السر للي فاض الكاس
من غديكة بدات حكاية أخرى بدات الرواية
لازمها تواجه الواقع متهربشي مل مراية
الخبر هبت على أمها بالوجعة
لبنية ولت تخمم في الهروب من غير رجعة
البنية ليوم تخلص في غلط أمها و بوها
معادش ينجمو يهزو ريوسهم اللي ربيوهة
الام حزينة على شرف ضناها اللي تباع رخيص
و البو كي سماع عرف قيمة اللي ضاع عزيز
المرارة بدلت العالم ملي كان حلو
هربت من دار الام العالم فيه الدنيا فلو

الامال ما وسلهمشي على البنية حتى خبر
الله يهدي اللي كان السبب و يحاسب اللي عمل الشر
مصيبة الوالدين و صحبة السوء كانوا سبب
غره بحديد مصدد وقللها هاذاك ذهب
البنية ولات تعيش بحذ شلة بنات
كل بنية منهم وراها قصة وبرشة حكايات
اللي جرو بها و اللي تخدم على الدار
حبلت في الحرام هربت بش تخبي العار
إليوم يداوي في الغلط بالغلط
زيد نظرة الناس اللي ما ترحم حتى حد
الاسباب و الذرف خلتنى نشوفهم فساد
الله يستر ولينا و يستر خوتنا البنات
البنية اللي في الصغرى ضربوا بها المثل
إليوم بعت بدنها رخيص في فروشات الذل
ما نتصورش كان إليوم رضي باللي مكتوب
كان مازلت حية القلوب إن شاء الله ربي يتوب
بن بيعة وشرية البنية هكاكة سنين
الحاضر يحزن اكثر مل ماضي لحزين
تخلص في أغلاط الماضي اللي قعد نكتة كحلة
إلى متى من وردة لوردة تعيش كيما النحلة
لين جهة خبر بنية من اصحابها ماتت
هزها زوز أولاد و بن احضانهم باتت
طيشها من الشباك لحكاية وفاة بمأساة
الله يغفر ويسامح الله يرحم اللي مات

- balti بلطي

كلمات أغنية عشوائية

كلمات الأغاني الشهيرة