a b c d e f g h i j k l m n o p q r s t u v w x y z 0 1 2 3 4 5 6 7 8 9 #

balti بلطي - mahomchi kifna || ماهمشي كيفنا كلمات الأغنية

[المقطع الأول]
مصطفى:

مناشي كيفهم في العيشة هما يتولدو في القطن
نحنا تولدنا في الحومة وين الفرازت ديما تزن
هما يولدوا ملصغرة عيشة مل مان عيشة مفرهدة
يمشي يقرا و يروح مماتو تجيه بالكرهبة

بلطي:

ماهمشي كيفنا في القلوب عايشين الدنيا للدنيا
خوذها من يد الزوالي و ما تاخوهاشي مل غنيا
ماهمشي كيفنا في الكروش احنا خبزة تعشينا
احنا طالبين السترة و رضاية ربي و والدينا

مصطفى:

مناشي كيفهم في المنتليتي في القلب ياسر يحسبوا
قد ما ربي عاطيهم عمرك ما تشوفهم يحمدوا
تشوف وجوهم بيضة تقول هذم ملايكة عل لارض
كي يعرضهم طالب لا يأديو لا سنة لا فرض

بلطي:

ماهمشي كيفنا في نومنا كي ترقد تبات متهني
حتى على جراية تبات و تحط الراديون يغني
لا مخلي وراك حسابات لا وراك فلوس و شيكات
لا وراك لا بنية لا مرا ما تعرفشي وين ماشية تبات

[اللازمة]
ماهم كيفنا مانا كيفهم حتى كيفنا مش كي كيفهم
احنا خريفهم هو صيفهم و احنا صيفنا هو خريفهم

حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الثاني]
مصطفى :

نحنا بناتنا في خمار الخمسة متع الصباح في الكار
هوما بناتهم يباتو يدورو بلعة من بار لبار
هوما ديارهم شاتوات… أكبر من كارفور
نحنا باب الدار يتحل بالكليمونات في حي الزهور

بلطي :

ماهمشي كيفنا في الفرحة زغاريت والبخور عجعاج
ماهمشي كيفنا في الفرحة يبعث ميساج
ماهمشي كيفنا في الاحساس يعيشوا بالأس أم أس
حتى في ولدو شاكك ولدو ولا ولد الناس

مصطفى :

نحنا نشيخو بالارطال و اللعبة معها بنتا-كول
هوما يشيخوا بالغبرة و البيضة و أغنى أنواع الكول
هوما يسافروا وقت ما يحبوا لونو أحمر الباسبور
نحنا نطيحو وقت ما نحبو فما الحاكم و المزطول

بلطي :

ماهمشي كيفنا كي نتلمو الضحكة تخرج مل قلب
هو وحدو في شاتو جريدة و بجنبو كلب
مرتو مسافرة في بوينغ في دبي عملت شوبينغ
هو معنق مخدة وهي معنقة صاحبها في سترينغ

[اللازمة]
ماهم كيفنا مانا كيفهم حتى كيفنا مش كي كيفهم
احنا خريفهم هو صيفهم و احنا صيفنا هو خريفهم

حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الثالث]
مصطفى :

نحنا نتلمو العيلة الكل عنا فرح و لا موت
هوما رجالهم في سويسرا و نساهم في بيروت
احنا ضحكة في القهوة طرح الرامي يوفى بكبوت
هوما توفى بهم في البلوك كان خذاو كبوت

بلطي :

ماهمشي كيفنا في الحب احنا إذا حبينا بكينا
احنا رجال تقدر المرا نحطوها في عنينا
حتى في تركينة نباتو و وردة تفرح العشيرة
مرتو تفرح بالبنميرة بالدافيز و التأشيرة

مصطفى :

والدينا يهزونا مل صغرى للمدب و الكتاب
هو والديهم رباوهم عل حقرة وأنواع الفساد
ترباو يجيبوا الفلوس و يحلو بازارات
فطور الصباح ياكلوا ملاين العشاء مليارات

بلطي :

ماهمشي كيفنا في المرض أمك تبوسك من جبينك
تعطيك دواك و تغطيك وتزيد تذكرك في دينك
أمك بجنبك في فرشك أمهم في دار المسنين
في مرضو خدامة بجنبو يتشهى في صدر حنين

[اللازمة]
ماهم كيفنا مانا كيفهم حتى كيفنا مش كي كيفهم
احنا خريفهم هو صيفهم و احنا صيفنا هو خريفهم

حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الرابع]
مصطفى :

يعيشوا عادي جداً لا إحساس ولا شعور
كيف تراهم ما تفرقشي بن الانثي و الذكور
هوما يلبسوا في الديامنت و احنا ننطرو بالموتور
هوما على البحر و احنا سيدي حسين وحي زهور

بلطي :

ماهمشي كيفنا فرنسيس احنا ياسر عروبي
ناكل ملاوي ونرسكي إذا ما لقيتش ركوبي
نبزنس بنت الجار في الكار تضحكلي من غير ماسك
هو يبزنس بالكلاساس أما باسل و ماسط

مصطفى :

نعيشو بلاش مناسبة اللي طيب يوكل جارو
هوما ببنهم مسكرة كل فول في نوارو
يعيشوا بالايميل و كل واحد شادد مليارو
ساعات يتوفى واحد منهم حد ما يجيب اخبارو

بلطي :

ماهمشي كيفنا في الصحبة تبدل المرا بمفاتح
صاحبو مع مرتو هو مع مرت صاحبوا يتناكح
الفلوس ذهبت الشيرة كل الحلوف و أنسى الغيرة
مرت صاحبي في قدر أختي و مرتي في قدر أميرة

[اللازمة]
ماهم كيفنا مانا كيفهم حتى كيفنا مش كي كيفهم
احنا خريفهم هو صيفهم و احنا صيفنا هو خريفهم

حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

- balti بلطي

كلمات أغنية عشوائية

كلمات الأغاني الشهيرة