![kalimah.top](https://kalimah.top/extra/logo.png)
balti بلطي - fi elbarima في الباريما lyrics
[اللازمة]
يااااااه في الباريما
ليام كيف الريح في الباريما
ليلي ليلي ليلي ليل
ليام كيف الريح في الباريما
ووووه
[المقطع الأول]
كيف نتذكر صغري نتمنى كان نرجع بالتوالي
ولاد صغار مازلنا في الجنة بين احضان الامالي
صغير كيما العصفور اللي غنى طاير حر في العلالي
لا يعرف لا هم و لا زمة و لا يعرف ظلام الليالي
يعرف كان الشمس اللي ضوات و الضحكة مليانة في الفم
ما يعرف الأيام اللي قسات و غدويكة يفقد الام
ما يعرف الناس اللي عانات مل الزمة ما ترقد الليل
و ما يعرف الصحبة و الفساد الدنيا فيها قراديل
ما يعرف الدنيا غدارة يعرف كان الخبث في الكورة
ليام تجري العمر خسارة ما يعرفشي لغة الغورة
ما يعرف دنيا دوارة و الرجلة ما كانت ذكورة
و ما يعرفشي لغة نبارة تستنالك فيها في الدورة
ما يعرف كاس و دبوزة يعرف كان يشرب حليبو
على خد الأميمة بوسة و الميا تملالو جيبو
ما يعرفشي لسعة النحلة يعرف منها كان العسل
ناس اليوم قلوبها كحلة في عوض الماء يسقيك الخل
ما فيبالو الأيام تدور لا يدوم شرقي لا غربي
و أصحاب الصغرة شقو البحور و الأميمة قالت يا قلبي
و قلبو ما يعرف الكره يعرف كان يحب الناس
و ما يعرف غناية مظلومة يا دنيا سربيني الكاس
ولد صغير قلبو بلار ما يعرف القلوب حجر
طير جنة ما يعرف النار و جهنم مليانة بشر
كان صغير و فرحان غربي شرقي ما يدومش ديما
وين الأميمة و الأحضان ليام كيف الريح في الباريما
[اللازمة]
يااااااه في الباريما
ليام كيف الريح في الباريما
ليلي ليلي ليلي ليل
ليام كيف الريح في الباريما
ووووه
يااااااه في الباريما
غربي و شرقي ما يدومش ديما
ليلي ليلي ليلي ليل
ليام كيف الريح في الباريما
ووووه
[المقطع الثاني]
ليام كيف الريح في الباريما و الدنيا ماشية و تخياب
و اللي قلت عليهم صحابي و أهالي و أمالي طلعولك كلاب
مع ليام تعرف الناس و تفرق بين الذهب و العقيق
و الراجل هوني ينداس و الضبع يوليلك صيد
غربي شرقي ما يدومش ديما و القرودة ركبت في الرنج
و الحومة عايشة بالبنج و برشة كريدي في الكنش
نتمنى نرجع صغير و لا نعرف وجوه الطحانة
و ناس اليوم باعو الضمير غاطسة في الغرم و فرحانة
شلاكة مليانة مسامير في فم بنادم ضحكة صفرة
نساو اللي العمر قصير و بنادم آخرتو حفرة
و سعدك يا فاعل الخير مشات مع ناس قبل
تبعنا طبلة و مزامير و ما لقينا كان القمل
اليوم ما كثرت كان الهمل و العاقل ضحكو عليه الفساد
الحنش يحب ياكل الجبل و يحبو الطاغي في البلاد
و جربوع يحفر جبل قلو ما يدوم فيه كان الحجر
و الحقار آخرتو تسبل يدوم الخير ما يدوم الشر
كيف الريح في البريما و القصور ولات خرب
اليوم الصادق هو اللي كذب و اللي يمشي راجل يتسب
لقينا كره ما لقينا حب و القلوب كي الماكينة
نفسي نفسي لا يرحم من مات لربي هو اللي مقرينا
العزوزة اللي في التركينة البارح كان مال و جمال
و القمح يولي فارينة و ما تدوم كان الافعال
و قول لبنادم ما تدوم أحوال غربي شرقي ما يدومش ديما
و الدنيا دمعة و تبسيمة ليام كيف الريح في البريما
[اللازمة]
يااااااه في الباريما
ليام كيف الريح في الباريما
ليلي ليلي ليلي ليل
ليام كيف الريح في الباريما
ووووه
يااااااه في الباريما
غربي و شرقي ما يدومش ديما
ليلي ليلي ليلي ليل
ليام كيف الريح في الباريما
ووووه
كلمات أغنية عشوائية