a b c d e f g h i j k l m n o p q r s t u v w x y z 0 1 2 3 4 5 6 7 8 9 #

awtaf - معادلة 11 ( لعبة طبّة ) كلمات الأغنية

اللحظات الحلوة بتروح بسرعة
او تتجمع بوليمة
هيك كنت عم بسأل حالي وانا نايم بالغابة
طول بالك ناصر مضلش كتير
هيك كان صاحب ابوي يحكيلي
كل مانقطع مدينة
شلت راسي عن الحجر وكان لازم اغسل
اواعيي كلها وسخ كان لازمني مهدئ
جسمي بتمدد على الشجر اول مرة حسيت باحساس اليتيم
كتير صعب
بس تذكرت اني عالأقل عايش وغيري ميت
قسمين من الناس كانو معي
قسم خايف يموت عشان ولادو والباقي خايف يخسر ولادو وهو معهن
وانا كنت بين الطرفين
ماكنت بعرف شو رح اخسر يبدو اني خسرت حالي
وقفت عحيلي
صرت لملم خيالي كان فارط
بس تذكرت انو لازم اتفائل
زي ماودعت اهلي
هلا يبدو ماعاد في مجال اني خبي
كل الافكار اللي فكرت فيها
وسمعت صوت من بعيد اركضو اركضو
كان ورانا الجيش التركي
من بعيد عم يسبسب
اجت ناقلة جنود
ونزلو يركضو علينا تقول نحنا سبب انقلاب الدولة
صرت اركض اركض
كنو نحنا بسباق اولمبياد
بس هاد سباق خاص للاجئين
فيو ختيارة ونسوان وولاد
سباق خاص للاجئين
فيو ختيارة ونسوان وولاد ثبات
والضابط فكرنا منعرف تركي
وانا خفت اسب واحد فيهم يكون بيعرف عربي
صاحب ابوي يقلي سكر تمك عشان مايقلعونا كلنا
اضطريت اسكر وصارو يضربو كفوف بالعالم
يقولولنا انقلعو ورا التلة
اجا وراها المهرب
قلي في طريق تاني فيني اساعدكم في
بس رح يكلف
ياخي اد مابدك المهم طلعنا من هالعلقة اللي انبلينا فيها
ماعاد بدنا
قلنا تخبو بالغارة يلي تحت الجسر قمنا تخبينا فيها
كان معنا في شي عشرين شخص
كل واحد منهم كان يحكيلنا اديش كانت حياتو حلوة بسوريا
واحد حكالنا انا عندي مصاري بتعبي البلدان
والتاني يلي مترك وراه بستان
والرابع شامي كان عندو مالكانات
بس نسيت التالت يلي متزوج اربع نسوان
والخامس كان يحكيلنا انو دارس اقتصاد
والسادس دفتر جيشو ضاع
والسابع خسر ابوه وامو
ومسافر عشان يخبي اللي ضل منو
رقم تمانة كنت انا
بس من الزعل ضحكت
قالولي طيب انت ناصر تعال بسرعة حكيلنا شو خسرت
وهون انا صفنت
شو خسرت يلا خبر
خسرت باخر مرة لعبت فيها طبّة
صارو كلهم يتطلعو فيني

- awtaf

كلمات أغنية عشوائية

كلمات الأغاني الشهيرة