assala - أصالة - mohjat khwatak - مهجة خواتك كلمات أغنية

يا إخت قلب و روح و مهجة خواتِك
في فرحِتِـك..يـا ربي يسعد حيـاتِـك
وش يوصِفِك في قلوبنا يا بَـعَـدها
واجمل من الدنيا إبتسامة شفاتِك

وإنتي “عبير” الغالية وْمن يٰساويك
شمس الصباح إنتي وْغيومه أراضيك
وإنتي قمر نجد وْ عيونك سمـاهـا
وإحنا النجوم اللي تلامَع حواليـك

يْاعيون نوف اللي بها تْشوف نورِك
وْيا روح سارة اللي تِـرِد بْحضورِك
وْيا نبض قلب البندري وْيا غلاها
وْفرحة مضاوي اللي مناها سرورك

من يشبهِك..إنتي أبد ما لِك أشباه
أعذَب من الشِعْر وْخياله و معناه
وإنتي الجمال إن شاف زينك..تِكَلّم
سبـحـان ربّّـه ما أرقَّـه وْ مـْ حلاه

عبير يا إخت المطر والسـحابـة
يا قبـلة النور وْيْا وَجـه الرّحابـة
في الدنيا أكثر شي نحبّه..وجودك
وإن غاب قلبك..عَز علينا غيابه

يسعدْك من أبدع وصوفك و سوّاك
وْيْديم لِك وَجه السَعَد..يضوي دنياك
يا أغلا إخت وْ قلب في الدنيا كلها
آمين..وْما يحرمنا شـوفة محيّـاك

كلمات أغنية عشوائية

كلمات الأغنية الشائعة حالياً