
amr diab - fakerny ya hob كلمات أغنية
[مقدمة]
أهو دا اللي كنت خايف منه
وعمر الخوف ما يرد قدر
[اللازمة]
عفريت الحب عليا حضر
ودا قلبته سم وياما غدر
تاجر غشيم وتجارته قمار
يا بتكسب دوبل يا تروح هدر
عفريت الحب عليا حضر
ودا قلبته سم وياما غدر
تاجر غشيم وتجارته قمار
يا بتكسب دوبل يا تروح هدر
[المقطع الأول]
فاكرني يا حب
أنا زبونك السقع المضمون
كان قلبي هنا عندك مرهون
وإديتني من الصنف المجنون
أبو العُقّد والذي منه
فاكرني يا حب
أيوة اللي غفلته عليك نور
ورجعت لك بعدها مقهور
وخدت غيره وبعد شهور
طلع اللي بعد أسخم منه
إكرمني يا حب المرة دي
ما تشدش من رف الماضي
إكرمني يا حب المرة دي
ما تشدش من رف الماضي
ما تحطليش فوق جرحي حجر
[المقطع الثاني]
بتخوني يا حب، أولها كله بيبقى تمام
بس العيوب بتبان قدام
فجأة كدا بيحصل قفلة
دي عيوب صناعة مش إستخدام
بتخوني يا حب، على العموم غلطة وتداوى
دا جر خير مش جر عداوة
أنا عايز أحب، إغطس وقب وإطلع بقى بحاجة نقاوة
إكرمني يا حب وحياة أبوك، وهجيب صحابي ينفعوك
إكرمني يا حب وحياة أبوك، وهجيب صحابي ينفعوك
وفوق وخلي عندك نظر
[اللازمة]
عفريت الحب عليا حضر
ودا قلبته سم وياما غدر
تاجر غشيم وتجارته قمار
يا بتكسب دوبل يا تروح هدر
كلمات أغنية عشوائية
- perversor (chile) - detonate كلمات أغنية
- banda vox dei - recomeço كلمات أغنية
- dreamville - wells fargo كلمات أغنية
- crywank - 18 كلمات أغنية
- fijimacintosh - broken castles كلمات أغنية
- elzi pereira - o fogo desce كلمات أغنية
- thirteen senses - i saw stars disappear كلمات أغنية
- olivia newton-john - i will lift up my eyes كلمات أغنية
- jacó e jacozinho - disco voador كلمات أغنية
- anjos - está em ti a solução كلمات أغنية