![kalimah.top](https://kalimah.top/extra/logo.png)
ammar hosny - maybe | جايز lyrics
[المقطع]
إمبارح عديت ٦ شهور من يوم سيبنا بعض
جسمي بيتمرد أسبوع نايم في السرير مش سهل
كنت ببهت كل يوم وبعمل نفسي عادي
تحت عيني إسود دقني كبرت مش هكدب واحشاني
بتنفس بصعوبة وعايش بالعافية كإني ميت
شباك المستشفى ضلم والنور جوة أوضتي غيم
مش إبن ولا صاحب كويس أنا مانفعش حد
إيدي بتترعش ساعات بتهته في الكلام وأتهز
آخر كام شهر مش هخبي عليك بقيت مجنون
بشوفها وبحلم بيها أتمني في كل حلم أموت
وأقوم ألبس عشان ماتجنش هنزل مش فاكرها
ألاقي ريحتها في كل هدومي كمي متني مطرح إيدها
أنزل وأقول مش فارقة ذكرى يعني ياما إتسبت
هروح في وسط صحابي أكيد هنساها في قعدة ضحك
نزلنا ضحكنا ياما بس أنا تعبت وعيطت
قالوا مالك قولت عادي عندي صداع وعايز أروح
رجليا خدتني لأول حتة شوفنا بعض فيها
صوت زعيقها لسه في ودني كنت بضحك باصص ليها
مشيت شوية وروحت قعدت جوة مكاننا
كان جنان لكني استنيتك والجو سقع
مشيت بخطو رجلك مطرح ما إتمشينا
قطعت تذكرتين ودخلت فيلم تاني جوة السيما
المرة دي جبت فشار معايا فلوس كتير
أول بوسة في آخر صف سيما في آخر كرسيين
طلعت لقيت المطر تاني والمرة دي ضحكت
خدتك جوة حضني في رقصة الوداع قالوا إتجننت
حبيبتي هما مش شايفينك ليه ما أنا ماسك إيدك
صوتك جوة ودني لسه سامع صوت تنهيدك
آخر مرة إتقابلنا فيها بجد قالتلي تعبت
ماهتمتش قولت عادي مسيرها بكرة تعقل
خدتك في حضني تاني بس حضنك بارد جداً
قولت بحبك قالت وأنا كمان لكن شفايفها سكتت
كنت مريض ساعاتها بالتفاصيل والشك والأغاني
كنت بعدي ليها حاجات كتير عشان كانت واحشاني
قولت حتى إستني أنا عارف صعب حبة جناني
قامت إتعصبت ندهت عليا بإسم حد تاني
العالم وقف ثانيتين طارت قصتها وسكتت
كنت لازم وقتها أختار ما بينها وبين كرامتي
مشيت وجاتلي رسالة منها قالت ماشية
عقلي رد ف نفس الثانية غصب عني قال في داهية
أنا همشي بس إفتكري بس إنتي اللي إخترتي
قولتي إتغير قولتي إتغير قولتي إتغير وإتغيرتي
شوفتك معاه ودمعت بس سكت عشان صحابي
لما شوفت ضحكتك زعلت بس قولت ماشي
وفضلت قاعد جوة أوضتي فترة مش بتكلم
بكتب في الأغاني أشكي لمزيكا أقطع تاني وأكتب
شايفها مبسوطة في حياتها أنا فعلاً مبسوطلها
هجيب سيرتها بكل خير للناس لسه بحبها
[اللازمة]
قولتلها في يوم هتنسي قالتلي لا قولتلها جايز
جات من فترة قالتلي مرضك سم عايز أتعالج
ماكنتش عايز أصعب عليها كنت عايزها جنبي
طلبت تطيب خاطري بكلمتين مش عايز أموت لوحدي
قولت في يوم هتنسي قالت لا قولتلها جايز
جات من فترة قالتلي مرضك سم عايز أتعالج
ماكنتش عايز أصعب عليها كنت عايزها جنبي
مش عايز أموت زعلان أكيد في يوم هيطيب بخطري
كلمات أغنية عشوائية
- watercolor werewolf - ur full of shit lyrics
- connie dungs - show girl lyrics
- rodrigo ogi - virou canção lyrics
- public service broadcasting - progress lyrics
- népal - abra (10 bands freestyle) lyrics
- i know you know - it's not enough lyrics
- nonbeliever - witches lyrics
- jubilee valley - toxic lyrics
- elemento sombrio - auto excluído lyrics
- the weeknd - tell your friends - video edit lyrics