a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ali wassouf - tashareen - تشارين كلمات أغنية

[verse 1]
كتير شاطر لما حلل مشاكل غيري بس لما الموضوع يرجعلي بعجز
ماشي ومتعلق بوهمي إني بفهم عم يوزع أحكام ع غيري ووقت الحبكة بنشز
النوم مجافيني والمعدة رفضت القوت والسيجارة علمت عأصبعي وماعم اتنفس
صبح عالشمس بشرقا لما تطلع وغازل القمر بليلي بالسهرية وماعم انعس
مخي عم يغزل بالجمجمة ويتخبط بين حيطانا
جسمي عم يرجف والحياة بهتت ألوانا
خبر الحلم البعيد وقله يستنانا
طال الطريق علينا ومافي جرأة ندعس
عراس الخوف، علسان الكذبة، ع ذكريات آسينا منا وحطت فينا العلة
مشاكل نفسية وخلل موروث ورهبة قلة ثقة وضياع و خسرنا العزم واللهفة
المفارقة البتعب أنه الجواب جوانا بس عميق أنت الغربق وأنت قارب النجاة والبحر وملحه
الغيمة والمطر والريح العم تعصف بإدنك والسيل الجارف بقوة والوحل بغله
[verse 2]
خبرني شو بتساوي لما تحس حالك وحيد
بعزلة.. وصاير متل الجزيرة بالمحيط
يمكن ح تقلي بحاكي رفيق بسأل عليه
بتطمن عن اخباره واخبار الزمان عليه
أو بنزل بعملي فتلة صغيرة بالسيارة
اسرد مع الشلة القديمة لفلي سيكارة
ملغومة مو ملغومة غير سؤال وغير حديث
الوحدة شغلة ملعونة وبتحرك جواك إبليس
طيب ساويتن كلن، بس لسا الإحساس موجود
جربتن كلن صدقا بحدود ومن دون حدود
حتى اليوغا جربتا والحديد حتى الكحول
حاول اعمل موسيقى اتتأمل ما كون كمود
افطر حكي الرهبان وفوقه رشة فلسفة
ادرس علم النفس متل ايام المدرسة
بكير بنام وبصحى وحتى بتحمم كل يوم
عفاريتي لسا بتنطوط قدامي بمكنسة

[verse 3]
تقلب مع نسمات الهوا وخلي الشوارع تصرخ
حبك حطيته بظرف وخبيته ونسيت المطرح
دينك وفيته، جبت الضايع هديته
بزيت الزيتون رقيته فاضحك من حقك تفرح
أكبر جريمة بتنعمل أنك ما تسمع حالك
تسكر عيونك تتهرب بالعتمة من خيالك
تنكمش تصغر وتدوب تعيش حياتك بالمقلوب
تطاطي للجمع المنكوب وعفاريتك تحرق كيانك
تقطع روس اللادون بغل وسكينك تتلم
محل الراس ينبت تلاتة وماكنت تتعلم
صيفك يقلب خريف
وصوتك يقلب حفيف
النمر الجواتك أليف
الإيمان بنفسك ضعيف
الزنديق بعينك عفيف
تساوي الواطي بالشريف
معتقداتك عالرصيف ومانك قادر حتى تندم
خليك واضح بالعزة رح بتساوي المستحيل
وارفع راسك بانجازك حتى لوكاين صغير

- ali wassouf

كلمات أغنية عشوائية

كلمات الأغنية الشائعة حالياً