al-uns - al tabbal كلمات الأغنية
رشاً دراكاً والإيد عالرشاش
عسكر وجنود الناس بتنساش
فرق السعر بين الخوذة و التاج
و اللي بيعمل مراجل منحلقلو الموستاش
حلقلو موستاشو ، حلقلو الموستاش
دقو ع راسو دقة بكداش
نيمو ببيت خالتو وفرشلو بساط الريح
وصلو عند ربو العيشة ببلاش
ماش ماش ماش
عاش عاش عاش اللي بيدفع بالكاش
بداش صفنة بداش تفكير
بلعبة الكبار اللي بيبكي غشاش
مصلحة و أبراج مدجنة وإنتاج
القصة منا و فينا مان ما بدا دوبلاج
معركتنا واقع ، عتم السما بيعمي
ما بتتصور الخيبة حتى مع فلاش
رشا دراكا والايد عالرشاش
عسكر وجنود الناس بتنساش
فرق السعر بين الخوذة والتاج
واللي بيعمل مراجل منحلقلو الموستاش
حلقلو موستاشو ، حلقلو الموستاش
دقو ع راسو دقة بكداش
نيمو ببيت خالتو وفرشلو بساط الريح
وصلو عند ربو العيشة ببلاش
تزاوج وإنجاب هي تحالفات عيال
شرف و ثار و عار هي مفردات رجال
دبح الخاين حلال ، ولا لا؟
زلم إن جد الجد رجال الحكم والامثال
هي تناقلات أجيال ربيت عالقيل وقال
طيبة سمعة وجوع الأُمّة مع كل لقمة الدم سال
اه سال ، عنا الله روح سآل نحنا
متكلين عالخالق ونعم الاتكال
متمسكين بالقاع ما بتنفع التيفال
قالوا النهضة بدا دافع ، صرنا نخبي اموال
لأنو الاستيعاب ضايع ، تردي بالمشاعر
فاضي نص مخ اليمين عاليسار الراس مال
هون و كيف وصلنا، هون حطنا الجمال
كيف جوعان رغيف الخبز ببيتو القمح تلال؟
اللحن نشاز ايه والايقاع مكسور
بس ما تفكر شي انجاز لما تلوم الطبال
مان ورا كل ايقاع في ضباط يا خال
yeah
واللي عالارض شايفو مانو ارتجال يا خال
لا
لهيك
سيبك عنف المجتمع خلينا نحكي سلطة
لأنو سلطة الابوة شكل وعنف السلطة اشكال
بيجي مبطن جوا الذاكرة متل الموتى
مخبا بتناسب الطاعة طرداً مع علو التمثال
الهيمنة قانون بإيد النخبة والشرطة سوط مسنون
وقت اللزوم هيك سياسة الكابيتال
موهوم الحوار ، مجبور الاعتدال
ع شروطن التغيير أو انت منبوذ وراديكال
شي مألوف في منا ألوف ، بالعزلة وحدة حال
بعتم القصة مهمشين بتهمة طيش وانفعال
طيف الاتهام ، من دعاة السلام بالقصور
العرق سك و ريحة مشاوي الحمام
هي حضارة التخصيص والمجتمعات الراقية
عملوا ع أرضن سور وقالوا الباقي هو الغابة
وهيك القتل مشروع ورا السور هني الصيادة
ما في شك..
بس نسيوا شغلة وحدة..
مونكي سي
مونكي دو
والبادي اظلم
كلمات أغنية عشوائية
- oh land - pressure's on كلمات الأغنية
- charlie dane - piece of mind كلمات الأغنية
- adonus - distractions كلمات الأغنية
- kk's priest - the sinner rides again كلمات الأغنية
- jorja smith - she feels كلمات الأغنية
- dardan - la haine كلمات الأغنية
- criminal mafia cult (artist) - memphis pirates كلمات الأغنية
- lucas hype - golpe do pix كلمات الأغنية
- lil l.a. marz - late luna sightings كلمات الأغنية
- bruna paula - viverei milagre كلمات الأغنية