a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ajnvby - ghorba غربة كلمات الأغنية

chorus:

بنتولد جوا المكان ولا بيتولد جوانا؟
يبقى الغربة في المكان ولا بتتولد جوانا؟
أنا وانت تايهين بس مش في نفس المتاهة
كلنا متغربين في بلادي وانت ف بلدانك
……

بنتولد جوا المكان ولا بيتولد جوانا؟
يبقى الغربة في المكان ولا بتتولد جوانا؟
أنا وانت تايهين بس مش في نفس المتاهة
كلنا متغربين في بلادي وانت ف بلدانك

verse1 :

لما الدنيا تلف بيك و تحس انك غريب
هتلقى العدل من العدو وتلقى العكس من الحبيب
و العجيب
انك لو شقتلك طريق في الدنيا و مشتلك
شكيت الطعم و رمتلك و براحة و صبر استنتلك
والموجة في يوم راقتلك والصنارة غمزتلك
متفرحش! دي مجرد طوبة اتشدتلك
و البدع ما بتحصلش
و الخدع ما بتوصلش
و الجدع لو اتمنع من الحمد
الحكم ما بتأثرش
فمتستغربش ازاي ممكن جرحك يبقى دواك
ده جرح الهوا لو هلاك بردوا جاي على هواك
وانا معاك
عرفت اتحكم في الالم و دموعي
و بكتب الكلام على ورقة وقلم مش بتوعي
chorus:

verse2 :

كبرنا بسرعة بدون سابق انذار
ماشفناش المستقبل, مكنش في منظار
الاسم كان علاء مكنش فيه بساط
دلوقتي في اقساط و في تقصير اه
سمينا المصير قسمة و نصيب اه
كل حاجة فيه يا تصيب يا تخيب اه
عين مش شايفة غير السما, صغيرين انما
واعيين و عارفين سرها و انا
مكتوبلي من النصيب بسيط
مكتوبلي اني اصيب و اصيد
مكتوبلي جناح و بيه اطير
مكتوبلي بيت انا القصيد
مكتوبلي بيت انا القصيد اه
مكتوبلي مرسى بعد السفر
ونس و ألفة وقت السهر
فلوس و شهرة بس بشرف
الواحد فينا ياما صرف
قول يا كرم

solo lead
outro

- ajnvby

كلمات أغنية عشوائية

كلمات الأغاني الشهيرة