a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ahmed saad - ana ader | أنا قادر كلمات الأغنية

[بيت شعر]
سوق الندالة وسع والكل بقي بيلت
وأما النصاص بتقوم تلاقى الأصيل بيشت
العوزة هي الميزان، فيها الرجال بتبان
ومادام قلع توبه يبقى مالهوش أمان
بيعوه كمان وكمان وأفرح بإنك بعت
توب الشرف حساس
لو إتقلع بيعت

[اللازمة]
وأديني لسه بتفرج
ده سيرك أسود وبتهرج
ودنيا مشاها أعراج
وأنا صابر
على وشي سمر زنهار
وقلبي أخضر لكن صبار
ومها يطول المشوار
أنا قادر
[المقطع]
لا عمري طمعت في اللي معاك
ووقت الشدة كنت وراك
ومش قصدي إني كنت ملاك
لكن شبعان
وفاتح قلبي ع المكشوف
وبعشق موت ومش مكسوف
كلامي دُغري مش ملفوف
ولا باهت
أنا صابر وصبري شديد
ومهما بتخلف المواعيد
أنا بضحك، عنيد وسعيد
وأقول هانت
قابلت كتير وشفت كتير
ولا خفتش من المشاوير
ورغم الويل فضلت كبير
ما بصغرشي
أنا مامدتش إيدي في يوم
وشيلت حمولي كوم ورا كوم
ويحلالي أبات مظلوم
ولا أظلمشي
غريب في بلاد ما تعرفنيش
وبستنى الوعود ما تجيش
وحتى زماني ما نصفنيش
يا دنيا وشوش
عايشها زي خطوة دب
وأنا صادق في صُحبة زفت
وصدق الحر غية وكيف
ما بيسبهوش
معاك في الضيقة مهما تدوس
ولا أبيعك بأي فلوس
لكن لو بعت هبقى كابوس
في أحلامك
عاشرني تعرف الرجال
تقيل الشيلة ع الشيال
بجد ومش كلام أقوال
وقدامك
[اللازمة]
وأديني لسه بتفرج
ده سيرك أسود وبتهرج
ودنيا مشاها أعراج
وأنا صابر
على وشي سمر زنهار
وقلبي أخضر لكن صبار
ومها يطول المشوار
أنا قادر

[بيت شعر]
لا عمري جريت ولا إتخبيت
على الطبلية أنا إتربيت
وعارف معنى كلمة بيت
وأنا حامي لا بدهن زين ولا بوية
ووقت الشدة على أبويا
ولحم أكتافي من أبويا

[اللازمة]
وأديني لسه بتفرج
ده سيرك أسود وبتهرج
ودنيا مشاها أعراج
وأنا صابر
على وشي سمر زنهار
وقلبي أخضر لكن صبار
ومها يطول المشوار
أنا قادر

- ahmed saad

كلمات أغنية عشوائية

كلمات الأغاني الشهيرة