a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ahmed saad - 200 geneh كلمات الأغنية

[المقطع الأول]
كل واحد فيه اللي فيه
ناس حياتها ٢٠٠ جنيه
ناس تاخدها عشان تعيش
وناس تسيبها لناس بقشيش
والمركب اللي فيها لله مش بتغرق
اللي همه نفسه واللي دماغه سايقاه في الشمال
واللي أقنع نفسه إنه الحرام زي الحلال
كان زمان يكسف يعر، النهاردة بقاله سعر
حط رجله على رجله وللأسف بقى ليه مجال
واللي ساكت رغم حوجته، عارف إن الإيد قصيرة
واللي عزة نفسه غالبة، رغم إن العين بصيرة
اللي تلاقيه وقت زنقة واللي عنده الشدة فارقة
واللي عمل الخير وسابه في الدرى وما جابش سيرة

[المقطع الثاني]
واللي شايفك بس برة وفاكر إنك هيلمان
نفسه لو يوم يبقى زيك، نفسه لو أكتر كمان
مين هيحكم على اللي حيلته
كل واحد عنده شيلته
واللي جوة كل واحد فينا عكس اللي يبان
خلق ماشية ودايرة دايرة والحساب بين النفوس
ناس عشان تطلع تنزل ناس وفوق منها تدوس
كل شئ وليه تمن، الدفع كاش ومقدماً
الحقيقة إنه أرخص حاجة في الدنيا الفلوس

- ahmed saad

كلمات أغنية عشوائية

كلمات الأغاني الشهيرة