![kalimah.top](https://kalimah.top/extra/logo.png)
african winners - 15 ya hyetna alla vecchia maniera lyrics
يا جدادنا
جينا لحفرة سماوهلنا بلادنا
حفرة ما نعيشو فيها كيما أندادنا
نحبو نخليو عيشة هانية ل ولادنا
يعيشوا غرامهم في لفيراج كيما اعتدنا
و حسادنا
كمشة جبورة يحبو يجيبوها أسيادنا
حسدونا في غرامنا و هلكولنا ستادنا
يحبو يقاومونا و ما عرفوش عنادنا
فيراج نحاربوا عليه و نفكو بلادنا
يا حياتنا
عيشتنا إلي خترناها هاذي حياتنا
هاذي دنيتنا إلي فيها حكاياتنا
هوني لقرحا هوني نحاربوا على خواتنا
و إلي ماتوا ديما عايشين بيناتنا
غناياتنا
علفريقي والربحة إلي زهاتنا
عالحرية و البلاد إلي نساتنا
علمضلومين و الدولة إلي خلاتنا
عالحق إلي يبقى رقبة بناتنا
و الحالة
سرقة و غورة و هوما يحبو لحصانة
في كل دورة لحاكم رشوة و جعالة
شحال من حومة عايشة تهميش و بطالة
ناس مقهورة صارت زطلة و سكارى
و مولانا
لحرام يطيح فيكم يوم القيامة
تي الشعب يصيح لبلاد صارت جبانة
ليجيبها قبيح يروح يبعد ينسانا
أسمع مليح لوغة فيراج أحذانة
بعتوها
نهبتو ملاين للبراني عطيتوها
و رخيتو لعين السرقة دعمتوها
دخلتوا لكوكة لبلاد فزدتوها
هججتو الناس للغربة لزيتوها
خنقتوها
فبابور اللوح ناس للحرقة رميتوها
قداش من روح فالكار إلي قتلتوها
طفلة صغيرة حتى لوديان هزوها
jamais ننسى كيما نتوما نسيتوها
منظومة نكرهوكم رحمة معاكم معدومة
jamais ننسى اللي ماتو في الكميونة
لميمة خذات وليدها في كرذونة
حرام يموتو تبقاو عايشين نتوما
نتمنى عمر ولد الفيراج نشالله في الجنة
ندعيولو بالرحمة نشالله فقبرو يتهنى
بلاد غبينة ما عندك ما تستنى
نجيبوا حقو لاخر دقيقة عنا
يالقاضي طالبين الحق ملينا كلام الفاضي
اخرتها موت و بحكم ربي راضي
غير الكورفا لتداويلي أمراضي
نحاربو ال systeme كيما درنا في الماضي
يالعالي
في الفيراج نبقى ندير اللي يحلالي
غير الفوضى و نشجع ما عمبالي
صوت المغروم اللي ما عندو والي
فيراج الحق allez الإفريقي allez
كلمات أغنية عشوائية
- patrick ace - time now lyrics
- nohesi, ca$hman - wholelotta$$ lyrics
- 44neverluv - follow lyrics
- hogy de oso - everyday lyrics
- six finger satellite - neuro-harmonic conspiracy lyrics
- m1onthebeat, skrapz & nafe smallz - top form lyrics
- formsound - once lyrics
- feli covers - crusher p- echo [cover español] | feli lyrics
- stockolmo stk - a distancia lyrics
- eu confio em ti lyrics