abyusif - khayef | خايف كلمات الأغنية
[المقطع الأول]
خايف من إيديا تتمد عليها تاني
خايف من عينيا متتشافش من عينيها تاني
خايف م الأناني لا أديله وشي ياكله
خايف اللي بعده يبقى أوحش م اللي قبله
خايف أموت و أقابله
خايف م اللي عملته فيك و فيه و فيها
خایف متصدقش لما أقولك هي دي الحقيقة
و أنا كنت خايف أقولها .. دلوقتي خايف أشوفها
دفنتي خايف أروحها .. خايف م الصحبة
خايف أدي ضهري آخد سكاكين
خايف من بكرة ميجيش أو بيجي ومیمشیش
او يمشي ويسيب ذكريات وحشة مبتتنسیش
خايف أعيش
خايف مـ الشمس فبقفل الشیش
بكذب على مين ؟ نفسي
رايح على فين ؟ جهنم
خايف أخاف فمبخافش إلا إني أندم
مش سامعني يا أدهم ؟! أبقى قابلني هناك
أنا مش جاي أصلًا .. بسأل بس إيه الكلام
أصلي بقیت بخاف
[جسر]
البطء ف الحركة و .. قلة نوم و… انطواء رفض
رافض ياكل رافض يتكلم هيقول إيه يعني لو اتكلم؟! الموضوع محسوم بالنسباله سواء كان فشل ف كل حاجة بسبب إنه فاشل أو بقى فاشل بسبب إنه فشل ف كل حاجة .. فاامم؟ .. هي كده
[المقطع الثاني]
خايف أخون فا بخون
خايف أتكون فا بكون
خايف أرد على سؤال ” هضطر أموت ولا أموت؟!”
ولا بأفوت ولا بفوت
أنا متثبت أنا مربوط
أنا متأكد إني شاكك
أنا الخابط أنا مخبوط
مش متأكد إني ماسك كويس في الترابزین
مرض في حد ذاته مش عارف المرض إيه
شاب درامي شاف مسلسل بيصور ب كاميرتين
سيبك يابني منه مین عارف ده ضرب إيه!
یا قدر يا زمن ركبي سابت من سواقتك
و أنا مش حمل الموت . بخاف مـ المواجهة
هو أنت؟!
في المراية وجودي بـ النسبالي مفاجأة
زمان کنت بأبص ألاقي أدهم
لساني أتكتم .. دلوقتي بـأبص ألاقي الكفن
كان باقي الندم .. بس الباقي اتدفن
كنت عایش في ذكرى و العيشة نستني فا مُت
لسة خايف من يا ريتني و يا ريتني ما كنت
[الخاتمة]
الرأي ده شيء مش ملموس ولا في إثبات على صحته أو وجوده أصلًا
الرأي ملوش وجود إلا لو عندك إيمان بيه فاامم؟
أنا مش شايف إن رأيي ليه وجود عشان أنا مش مقتنع بيه أصلًا .. أنا كل يوم بتعلم حاجة جديدة .. وباكتشف الحياة أكتر .. وبعرف إني كنت غلط
فرأيي مش هيتغير ×3
بيتغير كل يوم ×2
استحالة أقتنع بوجوده … كده أنا مليش رأي أصلًا
كلمات أغنية عشوائية
- saweetie - motion كلمات الأغنية
- chs - feng shui كلمات الأغنية
- biggie-t - eazy on me [interlude] كلمات الأغنية
- 凛として時雨 (ling tosite sigure) - make up syndrome (album mix) كلمات الأغنية
- vomiting bunnies - too late كلمات الأغنية
- srs retro - see it in their face كلمات الأغنية
- diego boneta - no me platiques más كلمات الأغنية
- haiyti - 8 stunden arbeit كلمات الأغنية
- leila - my friend is an asshole كلمات الأغنية
- jimmy webb - by the time i get to phoenix (2010) كلمات الأغنية