a b c d e f g h i j k l m n o p q r s t u v w x y z 0 1 2 3 4 5 6 7 8 9 #

abyusif - أبيوسف - khanza'our | خنزؤور كلمات الأغنية

[المقدمة : مذيعة في لقاء مع عمرو دياب]
عمرو يمكن بعد اللوك الجديد وبعد تغيير شركة الإنتاج لإن أنا مش هتكلم عليها دلوقتي هتكلم ..عليها دلوقتي هتكلم بعدين بعد فترة
أكيد أكيد إنت بالذات من نوعية تفكيرك ليك أكيد خط إنت راسمه لنفسك بعد النقلة دي

[المقطع الأول]
ديكها دوكها… أبيو مكهرب سلوكها
شورولي ع المدينة ديه إللي إنتو المفروض ملوكها
كتفي بيستحمل عكس كتافات الجاكت مش ناشفة
هحدد.. بحدف بيبيهات من شباك المستشفي
مايكل ع البيت… رقص يجيب صريخ.. جن لابسه
إديته بيكاسو ورق كانسن يعمل رسم قلب لنفسه
بندات عقيمة وقتها إنتهي بتموت
أبيوسف قبر مناسب ليها…. قدها و أدود
إزازة إزاز كارت صوت مرتبة و بقع
و الكلام نازل مثلما المكتبة بتقع
آسف أصلي نسيت إسمك فا نداهتك بالأهتم
متلون إنت جدا بنزاهتك الباهتة
رقم واحد و إتنين و تلاتة و أربعة
متأخر ع الحفلة قاعد بلعب جيم جاتا بسربعة
توتال لوس بالنسبالهم بس بالنسبالي خدش
توأمي مات في الحادثة إللي ألف ماماتش
٣ حاجات مابعملهاش إسترخاء تأني قرائة
و الكل بيعرق في حضوري كإني فني إضائة
قصر خلقي طال حديثك
سوبرمان حتي الموت مابيرسموش أبطال حديثة
عازل الستوديو بجثث عشان مفيش فل
ده مكانش بار ديه كات فكرة أفيش فيلم
ترقصيلي ديرتي تمثليلي تياترو
إسمي إبليس بس إنتي تقوليلي دايبلو

[فاصلة : مذيعة في لقاء مع عمرو دياب]
أي كلمة إنت بتقولها لازم نشوفها محرفة وليها معاني تانيه وليها خلفية تانيه

[المقطع الثاني]
خلصنا لبستني الجزمة ورنشتلي
كرمشتلها ميتين جنيه و قولتلها الواد مش إبني
العرض : تحط علي بوجي تاخد طمطم
شروطك و أحكامك في وجودي لا تطبق
أبيو راعي الأبقار علي رقبتك بوت
طلقتين تتصاب و مع التالتة تموت
بالبطيء… تفتكر ماضيك. فعلا كان رديء
موتة تليق.. إللي بتتطلع ديه عينيكوا مش صديد
عرفنا إنك تطير… بس هل بتسوسو
دي ناموسة بنت كلب… بتهوهو
إداني عين أول ما فضيت إدتلو كف
و الغريب إني لما شغلت شريط المترو سف

موت إللي خان جنجس مضمون
الراس في كارتاج و الجسم في إسطنبول
كفاية هري لأ بجد أبيو إتشل
بغني للجثة و أنا بملى البانيو ثلج
ف وصلتلك؟ إن في كلامي رسالة
تصنيف كتابتك درجة تالتة نادي ع الترسانة
أنا المصنع إللي بنى الأسانسير
ماتفتكرش نفسك ترس يابني إنت أصلا سير
خلاص يا عم يا ريت ماتزعلنيش و إتلم
عشان أثبتت التجارب إن معنديش دم
الشنطة فيها لحمة راس شخص ما
صاحبتك بتجيلي لواحدها مابغصبهاش

انا مع جراننا بارد
الناس مواقف و الفران تجارب
آآجي حلو البراند ده جامد
أمشي أصل فلان ده شارب
هل ده فارق؟
كان لازم الحزق في التنطيطة؟
إحمد ربنا إني جيبتلك لزق و بسيطة
دي سكة المشي فيها صعب زي جنازة إبني
بس هفضل ماشي فيها حتي لو في إزاز في رجلي
أدوس علي كل زرار من دول فكر نفسه حرف
مولع نار. ده الشيطان لما جرب نافسه إتحر
ده إسمه شر.. أساليب سادية،، الغريزة فيا
أضرب حي و أباتل حيونات ع الفريسة ديا
إنت في موقف مفيش أي شرف ليك فيه
لسة هقلع الحزام و أربيك بيه
أبيو بيموت في بجاحة فانزو أنا جاحد فا إنسو
قابل يا زميلي.. هنا مفيش غير شاحن سامسونج
كل الحكاية في مين إتخض و مين إنقض
تجيب دماغك بين رجليك ديه غارة مش تمرينة بطن
صوتو كيوت بالأوتو تيون… شوفتك بتنهار إبتسمت
بعد الدس إتغير لونك فا بإستهتار إتغسلت
ده لمبادئك دمك أتقل من ألف شكارة أسمنت
بجري ورا أكل عيشي إنت بتطارد بسنت
بتجيلي لحد عندي زي قدري
بشوطها إيد و رجل زي الحضري
علاقتي بالكورة؟ بجيب الجون و أروح
علاقتك بالكورة؟ إنت كل يوم تتطوح

[الخاتمة : مذيعة في لقاء مع عمرو دياب]
المذيعة: عمرو دياب انت متزعلش مني يعني أكتر مطرب مغرور ومش مهم عنده أي حد ومهم نفسه
عمرودياب : أنا مش مهم عندي غير جمهوري ومش مهم عندي غير ربنا سبحانه وتعالى قبل أي شىء وجمهوري

- abyusif أبيوسف

كلمات أغنية عشوائية

كلمات الأغاني الشهيرة